საქართველოს რკინიგზის განცხადება

საქართველოს რკინიგზა შეფერხებით მუშაობს. მიზეზი რთული მეტეოროლოგიური პირობები, განსაკუთრებით დასავლეთ საქართველოში შექმნილი უამინდობაა. მატარებლებს გადაადგილებისას გზაზე პერიოდულად იქმნება სხვადასხვა სახის დაბრკოლებები. თბილისი-ზუგდიდის მატარებელი ხაშურთან, სოფელ გომთან ორ საათზე მეტხანს იყო გაჩერებული. თემაზე სპეციალურ განცხადებას ავრცელებს საქართველოს რკინიგზა, საიდანაც ირკვევა, რომ არსებული მძიმე მდგომარეობის გათვალისწინებით, 3 და 4 იანვარს მაგისტრალური და საგარეუბნო მიმართულებით მოძრავი მატარებლები დროებით რეისებს აღარ შეასრულებენ. იმოძრავებს მხოლოდ თბილისი-ბათუმი-თბილისის მატარებელი. საქართველოს რკინიგზა შექმნილი დისკომფორტის გამო, მგზავრებს ბოდიშს უხდის და აცხადებს, რომ ბილეთების საფასური სრულად ანაზღაურდება. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.