מזמור כז - בטחון מוחלט בה' וישועתו - או תחנונים במצב של הסתר פנים? | תנ"ך - ספר תהלים | הרב אלעזר אה

תהלים פרק כז (א) לְדָוִ֨ד׀ יְקֹוָ֤ק׀ אוֹרִ֣י וְ֭יִשְׁעִי מִמִּ֣י אִירָ֑א יְקֹוָ֥ק מָֽעוֹז־חַ֝יַּ֗י מִמִּ֥י אֶפְחָֽד: (ב) בִּקְרֹ֤ב עָלַ֨י׀ מְרֵעִים֘ לֶאֱכֹ֪ל אֶת־בְּשָׂ֫רִ֥י צָרַ֣י וְאֹיְבַ֣י לִ֑י הֵ֖מָּה כָשְׁל֣וּ וְנָפָֽלוּ: (ג) אִם־תַּחֲנֶ֬ה עָלַ֨י׀ מַחֲנֶה֘ לֹֽא־יִירָ֪א לִ֫בִּ֥י אִם־תָּק֣וּם עָ֭לַי מִלְחָמָ֑ה בְּ֝זֹ֗את אֲנִ֣י בוֹטֵֽחַ: (ד) אַחַ֤ת׀ שָׁאַ֣לְתִּי מֵֽאֵת־יְקֹוָק֘ אוֹתָ֪הּ אֲבַ֫קֵּ֥שׁ שִׁבְתִּ֣י בְּבֵית־יְ֭קֹוָק כָּל־יְמֵ֣י חַיַּ֑י לַחֲז֥וֹת בְּנֹֽעַם־יְ֝קֹוָ֗ק וּלְבַקֵּ֥ר בְּהֵיכָלֽוֹ: (ה) כִּ֤י יִצְפְּנֵ֨נִי׀ בְּסֻכֹּה֘ בְּי֪וֹם רָ֫עָ֥ה יַ֭סְתִּרֵנִי בְּסֵ֣תֶר אָהֳל֑וֹ בְּ֝צ֗וּר יְרוֹמְמֵֽנִי: (ו) וְעַתָּ֨ה יָר֢וּם רֹאשִׁ֡י עַ֤ל אֹֽיְבַ֬י סְֽבִיבוֹתַ֗י וְאֶזְבְּחָ֣ה בְ֭אָהֳלוֹ זִבְחֵ֣י תְרוּעָ֑ה אָשִׁ֥ירָה וַ֝אֲזַמְּרָ֗ה לַיקֹוָֽק: (ז) שְׁמַע־יְקֹוָ֖ק קוֹלִ֥י אֶקְרָ֗א וְחָנֵּ֥נִי וַעֲנֵֽנִי: (ח) לְךָ֤׀ אָמַ֣ר לִ֭בִּי בַּקְּשׁ֣וּ פָנָ֑י אֶת־פָּנֶ֖יךָ יְקֹוָ֣ק אֲבַקֵּֽשׁ: (ט) אַל־תַּסְתֵּ֬ר פָּנֶ֨יךָ׀ מִמֶּנִּי֘ אַֽל־תַּט־בְּאַ֗ף עַ֫בְדֶּ֥ךָ עֶזְרָתִ֥י הָיִ֑יתָ אַֽל־תִּטְּשֵׁ֥נִי וְאַל־תַּֽ֝עַזְבֵ֗נִי אֱלֹהֵ֥י יִשְׁעִֽי: (י) כִּי־אָבִ֣י וְאִמִּ֣י עֲזָב֑וּנִי וַֽיקֹוָ֣ק יַֽאַסְפֵֽנִי: (יא) ה֤וֹרֵ֥נִי יְקֹוָ֗ק דַּ֫רְכֶּ֥ךָ וּ֭נְחֵנִי בְּאֹ֣רַח מִישׁ֑וֹר לְ֝מַ֗עַן שׁוֹרְרָֽי: (יב) אַֽל־תִּ֭תְּנֵנִי בְּנֶ֣פֶשׁ צָרָ֑י כִּ֥י קָֽמוּ־בִ֥י עֵֽדֵי־שֶׁ֝֗קֶר וִיפֵ֥חַ חָמָֽס: (יג) לוּלֵ֗א הֶ֭אֱמַנְתִּי לִרְא֥וֹת בְּֽטוּב־יְקֹוָ֗ק בְּאֶ֣רֶץ חַיִּֽים: (יד) קַוֵּ֗ה אֶל־יְקֹ֫וָ֥ק חֲ֭זַק וְיַאֲמֵ֣ץ לִבֶּ֑ךָ וְ֝קַוֵּ֗ה אֶל־יְקֹוָֽק: להצטרפות לקבוצת ווטסאפ שקטה של תורת ישיבת מעלות https://chat.whatsapp.com/JpRgbvP5uBl... ישיבת מעלות בספוטיפיי https://did.li/4rjZH ישיבת מעלות באפליקציית כולל (לבעלי מכשירים עם סינון) https://www.kolel.org/channel/yeshiva... ישיבת מעלות בפייסבוק https://did.li/PRU5q לאתר ישיבת מעלות https://yesmalot.co.il/