《緬甸堂》EP 40｜《我們不是什麼》邱禮濤：別樹一格的”Bad Taste”｜筆華棋｜SPOTITALK

今集《緬甸堂》請到《我們不是什麼》嘅編導兼監製——邱禮濤 Herman Yau！ 《我們不是什麼》由邱導自資800萬拍攝，以1998年「武漢巴士爆炸案」為藍本，講述兩個年輕人受社會壓迫、人生不順，最終走向極端嘅故事。 對邱導嚟講，拍呢套戲最難唔係選角或者還原場景，而係要迎合唔同人嘅審美同邏輯。因為喺數碼年代，「發表意見好容易，變相意見就會早過思考」，呢種風氣對創作嘅人嚟講絕對係一大挑戰。 講到拍攝風格，邱禮濤仲大爆自己拍戲嘅時候唔中意試演同圍讀，甚至會喺現場睇位、試燈嘅時候，夾硬撳住啲演員叫佢哋唔好演！ 至於點解套戲會粗口橫飛？點解一定要用嗰隻錶？每一幕鏡頭、每一個選角背後嘅故事，想聽邱導親自解構，呢集絕對唔可以錯過～