കാലാതീതമായ സ്നേഹം - Moulana Najeeb Moulavi

ആയിരത്തിൽ പരം വർഷങ്ങൾക്കു മുമ്പേ നമ്മിൽ നിന്നും പിരിഞ്ഞു പോയ ഖുതുബുൽ അഖ്താബ് ശെയ്ഖ് ജീലാനി(റ)വിനെ പോലുള്ള മഹാന്മാരുടെ പേരിൽ ഒരുമിച്ചു കൂടുന്നതും അവിടുത്തെ മഹത്വങ്ങൾ പാടിയും പറഞ്ഞും പുകഴ്ത്തുന്നതും അവരെ തവസ്സുലാക്കി പ്രാർത്ഥിക്കുന്നതുമെല്ലാം അവരോടുള്ള സ്നേഹത്തിന്റെ പേരിലാണ്. ഭൗതികമായ നേട്ടങ്ങളൊന്നും ലഭിച്ചതിന്റെയോ ഉദ്ദേശ്യത്തിന്റെയോ പേരിലല്ല (ലഭിക്കില്ല എന്നല്ല) ഈ സ്നേഹം, മറിച്ച് അല്ലാഹുവിന്റെ പേരിലുള്ള സ്നേഹമാണ്. നമ്മൾ കണ്ടിട്ടില്ലാത്ത, കേട്ടിട്ടില്ലാത്ത സുഹ്‌ബത്ത്‌ ലഭിച്ചിട്ടില്ലാത്ത മുൻഗാമികളായ അമ്പിയാക്കളെയും ഔലിയാക്കളെയും ഇമാമീങ്ങളെയുമെല്ലാം നാം സ്നേഹിക്കുന്നത് അവർ അല്ലാഹു സ്നേഹിക്കുന്ന 'ഔലിയാക്കളാ'ണെന്ന് നാം മനസ്സിലാക്കുന്നത് കൊണ്ടാണ്. അത് തീർച്ചയായും അല്ലാഹുവിന്റെ പേരിലുള്ള സ്നേഹമാണ്. അല്ലാഹുവിന്റെ പേരിലുള്ള സ്നേഹം സമയത്തിന്റെ അതിരുകൾക്കുള്ളിൽ കുടുങ്ങി ഞെരുങ്ങാതെ, ആണ്ടുകളും പതിറ്റാണ്ടുകളും നൂറ്റാണ്ടുകളും സഹസ്രാബ്ദങ്ങളും ഭേദിക്കുന്ന കാലാതീതമായ സ്നേഹമാണ്...