Israelte Thusim a Kuon Kihilna (banjom)

Israelte Thusim a Kuon Kihilna (banjom) Text: Exodus 14:14 14Pakaiyin nangho dinga gal asatding, chule nangho na-umthim beh dingu ahi, ati. Exodus bung 14 a kimu thupi chu ahileh, mihem hon lampi akimulou vang in, Pathen in lampi asemtheije ti ahi Israel miten Twipi apalgalkai naova kuon jildoh thei phabep ho chu: 1. Kichatna Kinungpui sahlouding ahi Exodus 14:10–12 Israelten Pharoah sepaiho amu phat un, akicha behseh un, hijeh chun Egypt a kinung leding lungput chan ananei kha un ahi. 2. Lampi sempa Pathen ah Kingaiding ahi. Exodus 14:13–14 Israelten anung ama, ajet avei avet u leh, lampi amutapouvin, hinlah Pathen in Twipi lah chu lampi aso peh un ahi. Pathen din lampi aumjing e. 3. Twipi chu Mipin Pelkhom ding ahi. Exodus 14:21–22 Pathen in Twipi lah tuolgo aso a lampi asemchu, mikhat le ni a ding hilouvin,Israel mite jouse ading ahi. 4. Twipi Galkai chu Achaina hinailou ding ahi Pharoah lengpa akuon chamlhatna chu akichaina hinailou ahi. Gamtep gam alhung diu chu vatna lai ahi.