Чаро ҷавонони тоҷик ба ҷанги бегона мераванд

Нашри аввали мавсими ҷадиди ток-шоуи "Рости гап"-ро ба як мавзӯи муҳим ва ҷиддӣ бахшидем. Аз ҳамлаи низомии Русия ба Украина расо як сол гузашт. Кишварҳои ғарбӣ алайҳи Федератсияи Русия таҳримҳои бесобиқа ҷорӣ карданд, садҳо ширкатҳои хориҷи ин кишварро тарк карданд. Зимнан, натоиҷи соли 2022 барои иқтисоди Тоҷикистон аз рӯи баъзе нишондодҳо дар даҳсолаҳо беҳтарин буд. Афзоиши ММД – 8%, таваррум – ҳамагӣ 4,2%, афзоиши савдо – 11,2%. Ин нишондодҳо то чӣ андоза бо Русия, яке аз шарикони асосии иқтисодии Тоҷикистон робита дорад? Бо назардошти таҳримҳои зидди Русия, иқтисоди Тоҷикистонро дар ояндаи наздик чӣ хатарҳо интизоранд? Ҷанги Украина ба Тоҷикистон боз чӣ гуна таъсир расонд? Чаро тоҷикистониён ба ҷанги бегона мераванд? Маҳбусон дар зиндонҳои Русия чӣ гуна ба ҷанг ҷалб мешаванд? Масъалаҳоро дар доираи ток-шоуи «Рости гап» бо коршиносон баррасӣ кардем. Илова бар ин, дар хиёбонҳои Душанбе дар бораи таъсири ҷанг ба сокинони оддӣ назарпурсӣ гузаронидем, андешаи шаҳрвандонро дар бораи ширкати тоҷикистониён дар ҷанг фаҳмидем. Ҳамчунин, дар гузориши вижа саргузашти яке аз шаҳрвандони Тоҷикистонро, ки дар набардҳо ҷон бохтааст, ва қаблан дар зиндони Русия адои ҷазо карда буд, дар бораи деҳае, ки ӯ аз онҷост, қисса мекунем. ДАР БАРНОМА: 00:00 Оғоз 1:17 Таъсир ба иқтисодиёт 9:37 Пурсиш - таъсир ба ҳаёти шаҳрвандон 10:10 Хавфҳо дар оянда 11:46 Чӣ бояд кард, то аз хавфҳо эмин бошем 16:00 Ҷалби тоҷикистониён ба ҷанг 18:12 Гузориш аз хонаи фавтида дар ҷанг 23:43 Заминаи ҳуқуқии ҷалби тоҷикистониён 28:00 Пурсиш - чаро тоҷикистониён ба ҷанги бегона мераванд 31:22 Дар бораи шахсони душаҳрвандӣ дошта 33:30 Усулҳои ҷалби тоҷикистониён 36:52 Чӣ бояд кард Подписывайтесь на наш канал, и посетите наш: Веб-сайт: https://asiaplustj.info Facebook:   / asiaplustj   Instagram:   / asiaplustj   #ростигап #таджикистан #asiaplus