✨足本訪問：晚安莉莉獲緋聞情侶黃淑蔓Stone合體撐場😛石石冇拉褲鏈搶fo👀Sinnie期待與AK合作 懷疑於《黑之呼吸》已萌私心😆雞雞女裝太靚被Yam踢出男子組🤨水金心心眼要求同房｜Viu1現場實況

✨足本訪問：晚安莉莉獲緋聞情侶黃淑蔓Stone合體撐場😛石石冇拉褲鏈好搶fo👀Sinnie期待與AK合作 懷疑早於《黑之呼吸》已萌私心😆雞雞女裝look太靚被Yam踢出男子組🤨水金勁心心眼要求同房｜Viu1現場實況 樂隊晚安莉莉順利完成兩場麥花臣騷《晚安莉莉 2026 LIVE:Wish You GoodNight Lillie！》，今晚尾場獲一眾老友現身捧場，當中緋聞情侶「蔓蔓」Feanna、「石石」Stone孖住入場，係自傳緋聞後首次合體公開現身，見Feanna邊行邊大方揮手打招呼，Stone更被發現冇拉褲鏈！事後Feanna抵死喺本台IG留言tag Stone「你冇拉褲鏈」，認真識玩！之後石石就喺story以「已拉返好」嚟回應，下次小心啲啦！ 呢對緋聞情侶未有停低影相，直接搵已經坐低嘅「床床」床哥一家三口！而佢哋本來係一齊坐嘅，但Feanna撒嬌話再合照就會再傳緋聞㗎啦，加上有床哥嘅勇救，最後Feanna同咗床哥調位！同場仲有周國賢、恆仔、米爺同女朋友Alice、小塵埃、Vincy等！ICHIBAN GIRLS爭「粉粉」Arvin曾傲棐就7個到齊啦！ 去到音樂會嘅中段，晚安莉莉帶嚟一段Medley，有最近hit爆嘅《旋轉木馬》、《YES？NO！好唔好？話俾我知道！》、《三分甜》，唱到《三分甜》嗰陣6人齊齊落台同fans互動，成個場嘅氣氛high到不得了！佢哋仲唱埋新歌《晚安歌》，更以《我看見今晚的月色很美，你呢？》作結！ 晚安莉莉完騷受訪表示寧舍感觸，全員跳出comfort zone挑戰跳唱，但相信對Sinnie同雞雞係零難度嘅！其中水金話跳得勁enjoy，當佢哋跳唱《旋轉木馬》嗰陣，全場fans特別hyper，雞雞有冇諗過拉台下嘅ICHIBAN GIRLS成員上台唱？對被石石「火車未到站」搶fo，有最大怨言嘅竟然係撞樣Sinnie？ 之後講到雞雞嘅女裝look，水金話堅係心動，已入紙申請下次出trip同房，佢想做啲咩先？雞雞有冇因為太靚而多咗啲男fans？Yam直頭話要將雞雞踢出男子組添！至於提到AK拍片support兼揚言想合作，Sinnie話超期待，更懷疑AK想合作嘅私心早已喺《黑之呼吸》萌生！另外，頭場cover《講不出聲》引嚟極大迴響，佢哋又點睇？即刻去片聽歌兼睇足本訪問啦！ #晚安莉莉 #Sinnie #阿雞 #Yam #小伍 #水金 #阿政 #黃淑蔓 #Stone #床哥 #足本訪問 #現場實況 #Viu1娛樂新聞 #Viu1煲劇平台 #Viu1 #Viu 記得Subscribe Viu1HK嘅YouTube Channel，Follow埋IG、Threads同Facebook page呀👇🏻 _____________________________________________________ ►訂閱 Viu1HK YouTube Channel: https://bit.ly/3lYFNLW ►追蹤 Viu1HK Instagram:   / viu1hk   ►追蹤 Viu1HK Threads: https://www.threads.com/@viu1hk ►讚好 Viu1HK Facebook page:   / viu1hk   ►觀看更多精彩內容：https://www.viu.com