IMISI IRAHITA VUBA — INDIRIMBO ZO GUHIMBAZA IMANA N°280

Imis' irahita vuba, Irahita yiruka, Ikigenda benshi bapfa Batameny' Umukiza. Har' igikorwa cacu Tugikoran' umwete, Tubandanye dukore, Imis' itarahera. Irahera, irahera, Imisi irahera: Ni tuve hasi twese, Tureke gukererwa. Wobib' imbuto z'ivyiza Mu mitima y'abantu, Amosozi y'abarira Woyabahanagura, Hariho n'abaguye, Kubavyura ni kwiza, No guhumur' amaso, No kuvur' ibisebe. Irahera, irahera, Imisi irahera: Ni tuve hasi twese, Tureke gukererwa. Ivyo vyoshobokera nde? Wewe wobishobora, Namb' ufise Mpwemu Yera, N'urukundo rw'Imana: Ikunda kubiduha Tubigomvye vy'ukuri: Tuyisengan' umwete, Dukor' ivy' imbabazi. Irahera, irahera, Imisi irahera: Ni tuve hasi twese, Tureke gukererwa. Ic' Umwami Yes' agomba N' ukugendana natwe, Ngw aruhur' abananiwe Bamutey' ibitugu. Kandi yaravuz' ati Uzonyizera wese Azobgir' imisozi Ngw itabge mu kiyaga. Irahera, irahera, Imisi irahera: Ni tuve hasi twese, Tureke gukererwa. Nta c' utiny' ibir' imbere, Yes' azogushoboza. Umuh' umutima wawe, Awiganzire rwose! Isi yubahe Yesu! Yadutsindiy' urupfu Bo n' abadayimoni: Ubu ni we dufise. Irahera, irahera, Imisi irahera: Ni tuve hasi twese, Tureke gukererwa. Rek' ukwo kwizera guke: Na ruhebga yokizwa! Ibuka yuko Paulo Yar' umwansi w' ivyiza; Yesu yamuhwikiye Atabizi na gato, Ac' akizw' uwo mwanya, Ab' intumwa ya Yesu. Irahera, irahera, Imisi irahera: Ni tuve hasi twese, Tureke gukererwa. Ngo n' ubu, mugende mwese, Muri kumwe na Yesu; Mumubgir' abatamuzi, Na bo baz' abakize. Nta co mugaburura, Canke ngo munanirwe, Mutarabashikana Ku Mukiz' abifuza. Irahera, irahera, Imisi irahera: Ni tuve hasi twese, Tureke gukererwa.