أطلقوا النار علينا ونحن تائهون داخل الغابة! 😱 | الجزء السادس

Azzam Alshabaan - Bikafi | 2026 | عزام الشبعان - بكفي    • Azzam Alshabaan - Bikafi | 2026 | عزام الش...   بعد غياب طويل عن التصوير… رجعت. لكن هالمرة ما رجعت حتى أعمل فيديو عادي. قبل فترة كنت وسط جبال الألب، وقضيت هناك عدة أيام بين البحيرة والغابات والخيمة، وهناك ولدت فكرة هذا التحدي. قررت أبدأ من باب بيتي في إيدار-أوبرشتاين، وأقطع حوالي 500 كيلومتر باتجاه غارمش، ومن هناك أكمل رحلتي نحو جبال الألب، حتى أصل إلى قمة تسوغشبيتسه وأرفع علم سوريا فوقها. 🇸🇾🏔️ لكن الرحلة مو مجرد مشي. أنا وعلاء رح نحمل شنط المغامرين على ظهرنا، ونعيش بأقل الإمكانيات الممكنة. وين رح ناكل؟ وين رح نشحن الكاميرات والتلفونات؟ وين رح نغسل تيابنا؟ وين رح ننام؟ وشو رح نعمل إذا نزل المطر؟ وشو رح يصير إذا تعبنا وما عاد قدرنا نكمل؟ لهيك قررت أحاول أختار طرق تمر بالقرب من القرى ومحطات القطارات، حتى تكون المحطات نقاط أقدر فيها أشحن، أشتري أكل، أرتاح، وأكمل طريقي. وكل خطوة رح تكون محسوبة. رح تشوفوا المسافة على الخريطة، ورح تعرفوا كل يوم قديش قطعنا وقديش ضايل. ما رح أختلق المعاناة، وما رح أمثل عليكم. إذا تعبت… رح تشوفوني تعبان. إذا مطرت… رح تشوفوا المطر. إذا جعت… رح تعرفوا. إذا الطريق كان صعب… رح نعيش الصعوبة مع بعض. لأن هدفي مو بس أوصل للقمة… هدفي أشوف إلى أي حد ممكن أوصل إذا كل يوم أخدت خطوة جديدة. ومع بداية الرحلة، رح يكون معي علم سوريا. 🇸🇾 وبدي كمان أخليكم جزء من المغامرة؛ دعمكم وتفاعلكم رح يكون إله دور كبير خلال السلسلة، ويمكن بالنهاية ما يكون علم سوريا هو العلم الوحيد اللي يوصل معي إلى القمة. هذه مو رحلة يوم أو يومين… هذه بداية سلسلة ما بعرف وين رح تنتهي. من باب بيتي… إلى جبال الألب… والخطوة الأولى تبدأ الآن. 🥾🏔️ إذا بدكم تكملوا الرحلة معي، اشتركوا بالقناة وفعلوا التنبيهات ❤️ #أقوى_تحدي_بحياتي #500كم #جبال_الألب #سوريا #مغامرات #تحدي #Zugspitze #Germany #Adventure