鍾無艷 伴唱音樂 (新劍郎 葉慧芬)

鍾無艷 原唱:羅劍郎 鄭幗寶 演唱:新劍郎 葉慧芬 （唱）誰個是齊王，儂心暗傾向，弓箭響，猶能中鵠穿百步楊，我心中，惹非非想，若有緣天際下降，沐得王恩我心歡暢。 （白）呃， 姑娘慢行，（唱）妳是誰人強更悍，我射麻鷹妳偏霸搶，你莫太貪心，心存妄想，快將獵物還我手上。 （唱）我話你呢份人確混鬼帳，想靠撞野蠻又恃強。 （白）姑娘呀！（唱）不是有意騙紅粧，我有姓名刻箭上。 （白）等我睇吓！（唱）齊王御用，難道你是齊王。 （白）好話喇！（唱）正是齊國之君，一派王候貴相。 （白）飽死咯！（唱）你咪任意誇張，我睇你全無貴相，呢你若然係皇帝，點解你嘅面口又唔黃？ （白）你都傻傻哋嘅， （唱）腰間箭袋亦有註明, （白）嗱！妳睇真啲啦， 齊王御用呀！與箭杆所刻同一樣。 （白）係噃！（唱）你既然係皇帝，更要鬧你荒唐，應該要禮下於人，不應該如斯草莽，所謂金玉其外，敗絮中藏。難道你自恃權威，不顧行為乖妄。 （白）你都算大胆,（唱）呢一隻辣胡椒，的確是牙尖咀利，不覺傾動了孤皇，雖則是裙布荊釵，但係月貌花容，有若天仙下降，呢一個可人兒，若得納為妃子，真個是艷福無雙，敢問妳何姓何名，請對孤皇直講。 (白) 問我呀, (唱）住在呢處小村鄉，我叫做鍾無艷，大名早已震天響， 又唔係同你對親家，談族譜，何必係處問短問長。 (唱) 就係想同你對親家，談族譜，未知能否遂孤皇所望。（白）點呀？ (唱) 聞皇相愛悅，奴已喜洋洋，我故意假惺惺，搔頭兼作狀，裝成羞答答，唉吔含笑對君王。 （白）呢一笑真係攞命咯！ （唱）我決意不做王妃，除非許我昭陽執掌。 （白）得！得之至啦！（唱）得你答應結成雙，喜笑欲狂，一於許卿家，你位執昭陽。 （唱）蒙你許婚，聲價至無上，應該向夫君，謝恩禮下忙。 （白）妳抬頭等孤皇睇真下妳 （白）你睇清楚啦 （唱）唉吔吔! 剛才妳含顰半掩面，分明有意騙孤皇，（白）咪住！咪住！（唱）乜妳靚面祇得一邊，呢一便我不敢看， 原來呢一邊面，嘩！醜過黑面閻王。 （白）一邊靚就夠啦！（唱）我面縱有鴛鴦，內心無異樣，我哋既成夫婦，哎吔黑啲多都好平常。 （唱） 佢撒賴死冤，真令孤皇心火上，好！待孤不如一箭，將佢射倒在當堂。（白）看箭！唉吔! 乜咁都接到架吓？ （唱）好在我眼明手快接雕翎，否則便不堪設想。 （白）好厲害噃！ （唱）怕乜你暗箭傷人，已經接到本姑娘手上呢冤鬼，等我還君一箭， （白）睇住！（唱）要你命送閻王。 （白）喂！喂！喂！咪住！咪住！（唱）嗰個醜婦有驚人技，嚇壞了孤皇，望妳手下留情，我願從卿所望。 （唱）除非許我婚事，冊立入昭陽。 （白）做得到！做得到！（唱）君子不吃眼前虧，不若暫且應承，許妳昭陽執掌。 （唱）君呀你必須要玉帶為聘，奴為怕你易變心腸。 （唱）急急解帶送與卿，今番愛卿妳諒已心安。 （唱）揀邊一個時辰要問我郎。 （唱）因乜妳個心重未安唧，金口允許又何用再慌。 （唱）慌你貪口爽，任情亂咁講。 （唱）時定五月十三嗰日，一定香車到卿府上。 （唱）時擇五月十三嗰日無有誤，我待嫁夫郎。 （唱）不忘！你毋疑慮成日掛望 （唱）千金一諾，即拜別歸家往，（白）請呀！ （唱）惟有暫時來敷衍，用計騙紅粧。