انت مش تعبان من حياتك.. انت تعبان من عقلك!

معظمنا عايش بسجن مالهوش قضبان، وهو سجن العقل. بنسجن حالنا بأفكار كلها مخاوف وسيناريوهات وهمية، والمشكلة الأكبر إننا مش واعيين لهاد الشي. كل يوم الصبح بس تصحى من النوم، عقلك بيبدأ يشتغل فوراً؛ بيفتح ملفات مبارح، بيعمل حوارات مع ناس مش موجودين، وبيتوقع مستقبلاً لسه ما إجا اصلاً. مية سيناريو شغال براسك، وفي الحقيقة ولا واحد منهم صح. وبعدين بتقعد تسأل حالك: ليش حاسس بثقل بصدري؟ ليش أنا تعبان ومطفي؟ ليش طاقتي بتخلص قبل ما يبدأ يومي؟ الجواب بسيط كتير: أنت مش عايش باللحظة الحالية، أنت عايش جوه راسك. في حقيقة صعبة لازم نواجهها: أنت مدمن على التفكير الزائد. بتعرف ليش؟ لأن التفكير الزائد بيعطيك شعور وهمي بالأهمية وبالسيطرة. عقلك بضل يقنعك ويحكيلك: "إذا حللت كل تفصيلة، بكون مسيطر على الوضع" "إذا تخيلت أسوأ السيناريوهات، هكون جاهز ومستعد" "إذا جلدت حالي قبل ما الناس تحكم علي، بوجع حالي أقل" كل هاد كذب ومجرد حيل ذكية بحبها عقلك.. والمشكلة إنك عم بتصدقه. ليش بنهرب لراسنا؟ الجواب المر والواقعي: لأننا بنهرب من مشاعرنا. بنستخدم التفكير كدرع عشان ما نحس بالشي اللي بنخاف منه.. زي الحزن، الخجل، الوحدة، غياب الأمان، أو الغيرة. وبدل ما نقعد مع هالمشاعر ونفهمها، بنروح بنفكر وبنحلل وبنمنطق الأمور. بس الحقيقة الثابتة هي: عمرك ما رح تتجاوز أي شعور من خلال التفكير فيه. الشعور بدك تحسه وتعيشه عشان يروح. والعقل إذا تركناله الحبل بدون مراقبة، بصير متل طفل صغير ماسك سيف مؤذي.. رح يؤذيك ويؤذي كل اللي حواليك. أكبر وجع ممكن يعيشه الإنسان مش الفشل ولا الرفض، أكبر وجع إنه تضيع حياته كلها وهو عايش جوه راسه، ومفكر حاله إنه عايش فعلاً. فبنصحك تحضر حلقة اليوم عشان تفتح مساحة من السكون في داخلك. ———————————— جلسات لايف كوتشينج 👇🏼 https://www.mahahabash.com/paid https://www.mahahabash.com/links ↓ أو تواصل معي على صفحاتي ↓   / mahahabash     / mahahabas   ———————————— مرحبا، حبيت اجي هون أعرّف عن نفسي، اسمي مها حبش لايف كوتش متخصص في برمجه لغوية عصبية Life coach NLP practitioner شغفي أن أُساعد العديد في أمور تخص الصحة النفسية والوعي بالذات، من خلال تغيير طريقة تفكيرهم ومعتقداتهم من خلال تعزيز ثقتهم بأنفسهم . فكل إنسان عنده القدره الكامله لتغيير حياته للأفضل وتحقيق السعادة وفي أي وقت. الحياة عبارة عن خيارات لا محدودة ،ونحن المسؤولون عن خياراتنا الإيمان بنفسك هو اول خطوة للتغير فإذا انت جاهز تكتشف ذاتك وتغوص في رحلة تطوير الذات لتحقيق السعادة في حياتك اليومية، ابدأ معي لايف كوتشينج اون لاين للتواصل وحجز جلسات لايف كوتشينج 👇🏼 https://www.mahahabash.com/ maha@mahahabash.com