RET. MAJ. GEN. POQUIZ: DAPAT NAAYON SA KONSTITUSYON ANG PAG-ARESTO KAY SEN. BATO

Pinayuhan ni Retired Major General Romeo Poquiz ang mga aktibong sundalo na laging sumunod sa Konstitusyon bilang bahagi ng kanilang panunumpa at pagmamahal sa bayan. Giit niya, dapat matiyak na naaayon sa Konstitusyon ang pag-aresto kay Sen. Bato dela Rosa. Binanggit din ni Poquiz na napakarami nang paglabag sa batas kabilang ang pag-aresto kay dating Pangulong Rodrigo Duterte, sa planong pag-aresto kay Sen. Bato, at sa usapin ng pambansang budget mula 2024 hanggang 2026. Ayon sa kanya, sa kabila ng deklarasyon ng Korte Suprema na unconstitutional ang ilang probisyon sa budget, patuloy pa rin umano ang mga insertion at pork barrel na nakatago sa 2027 budget.