2026香港小姐競選｜12位港姐候選佳麗拍宣傳片 貼身華服狀態大勇展現自信美

2026香港小姐競選｜12位港姐候選佳麗拍宣傳片 貼身華服狀態大勇展現自信美 12位《2026 香港小姐競選》候選佳麗繼續積極備戰，由面試到入圍集訓，經過一段時間嘅改進，大家都越戰越勇。呢日12位佳麗就著上華麗服飾拍攝大會宣傳片同硬照，各有唔同美態，12位佳麗行起catwalk，個個都展現出自信美。 當中 1號袁絲珩 有主持同戲劇經驗，面對鏡頭對佢嚟講已經好熟悉：「都係將之前嘅經驗拎返出嚟。 2號李澤欣 就話一開始有啲不知所措，不過越來越進入狀況，亦感覺到自己有好大進步。 一班佳麗們身上嘅貼身裙一啲都唔容易handle，加上要展露纖腰，真係食多啖飯都驚肥，不過有幾位瘦底嘅佳麗就完全唔擔心，好似 6號盧蔚晴 就對自己嘅狀態超級自信， 4號譚雅文 就話自己冇刻意節食，不過臨急抱佛腳，把握時機喺影相前做多幾個set up， 5號魏欣 話自己都係正常飲食，不過因為怕水腫，所以食少咗鹽分同埋飲少咗水， 9號周芳姿 就特別感謝幕後人員嘅指導，令佢面對鏡頭更加自信。 12位佳麗因為參選成為好友，喺呢段期間會互相學習，大家都有交流吓要改善嘅地方。 10號陳梓穎 11號顏懿菲 同 12號湯家琳 就互相交換行cat walk同面對鏡頭嘅心得。 3號李澄晴 就覺得自己需要加強口才，而8號鄧匡閔就希望自己嘅笑容可以更加自然。 #2026香港小姐競選 #宣傳片 #貼身華服 #展現自信美 #1袁絲珩 2李澤欣 3李澄晴 #4譚雅文 #魏欣 #盧蔚晴 7楊媛媛 #8鄧匡閔 #9周芳姿 #10陳梓穎 #11顏懿菲 #12湯家琳 #節食 #纖腰 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0