【娛聞新村】《日落下的彩虹》周家怡被迫分家 哽咽爆Seed獲洗版大讚 ｜吳浣儀做偏心阿媽激死人 #日落下的彩虹 #周家怡 #梁業 #強尼 #吳浣儀

《日落下的彩虹》吳浣儀做偏心阿媽激死人 周家怡被迫分家 哽咽爆Seed獲洗版大讚 ViuTV新劇《日落下的彩虹》播映至第4集，首單元由潘燦良及唐詩詠孭飛，兩夫婦鬧離婚，唐詩詠入行23年，攞過大台視后，好多網民話原來唐詩詠真係識做戲，真吹脹。 衰格阿哥廢細佬 輪到第二單元，一家四口，家用家事都由二女周家怡負責，阿哥強尼充大頭鬼，細佬肥仔冇正職，兩條佬各有原因謀住阿媽吳浣儀啲錢，阿媽唔識計數又唔公道，周家怡被迫分家同兩條佬講清楚。 阿媽出少句聲啦 昨晚，周家怡屋企爆Seed場口差不多3分半鐘，睇到小編心跳加速，周家怡搲爛塊面同阿哥及細佬計數，講到兩個男人冇聲出，講到心痛處哽咽但冇喊出嚟真係睇到好難過，個衰阿媽仲話「一家人點解計得咁清楚？」火上加火水最佳例子，小編真係好想衝入電視攬住周家怡呀。 導演有料爆 因為實在做得太好，劇集一播完，成個Threads都係讚好周家怡嘅PO，連劉偉恆導演都話：「呢場真係唔好講笑，拍嗰陣全場靜晒，真嘅一樣。」 片段來源：ViuTV #日落下的彩虹 #周家怡 #吳浣儀 #強尼 #梁業 #劉偉恆 #VIUTV #娛聞新村