DD News Mizoram Chanchinthar | 17 October 2026 | 6:30 PM

CHANCHINTHAR Local: 1. Tourism Minister Pu Lalnghinglova Hmar chuan Hnahsin Kut chuan Champhai leh a chhehvel tan sum leh pai vir vel (economy) leh kawng hrang hrangah hlawkna a thlen thu a sawi. 2. Commerce and Industries Minister Pu F.Rodingliana chuan nimin khan Bamboo Development Agency in Bamboo Technology Park, Sairang a Toothpick Making Unit thar a din chu a hawng. 3. Mizoram Sawrkar Disaster Management and Rehabilitation Minister Prof. Lalnilawma chuan chhiatrupna laka inven dan tur ngaihtuahin NBCC hotute a kawm. 4. North Eastern Council Secretary Satinder Kumar Bhalla chuan Tourism lama Thenzawl hmasawnna tur hmun te a tlawh. 5. Central Kristian Ṭhalai Pawl (CKṬP) buatsaihin "Ram Pum Huap Faina Beihpui Hnatlang" chu vawiin khan neih a ni. 6. Lunglei District Bawrhsap kaihhruaina hnuaiah "I Kawtkaiah Sawrkar" (Prashasan Gaon Ki Ore) chu nimin khan Lunglei RD Block huam chhunga Vanhne khuaah buatsaih a ni. 7. Mara Autonomous District Council a Chief Executive Member Pu M. Laikawa chuan cheng vaibelchhe 40.07 hu CSS Project pasarih kalpuina tur lungphum a phum. National: 1. Khawpuia chenna in sakna tur Pradhan Mantri Awas Yojana – Urban 2.0 hnuaiah sorkarlaipui chuan In nuai 1 chuang sak belhna tur a pawm. 2. Supreme Court chuan Internet-a naupang laka hleilenna thlalak leh video-te paih bo nan National Database siam turin Sorkarlaipui a hriattir. 3. PM CARES for Children Scheme-a scholarship dawng turte tan Aadhaar finfiahna neih a ngai. 4. Gujarat, Bharuch district-ah nizan khan damdawi leh chemical siamchhuahna factory pakhatah reactor a puah avangin hnathawktu 5 an thi a, mi dang 6 an hliam bawk. 5. Ministry of Home Affairs chuan Punjab-a ruihhlo kaihhnawih avanga tualthahna leh mahni intihhlumna thleng chungchangah Punjab sorkar report thehlut turin a hriattir. 6. Pope Leo chu hlawhtling taka zai a nih hnuah vawiin khan damdawiin atangin a chhuak. 7. US President Donald Trump chuan Russia leh Iran lakah hrekna a sut. Follow DD Mizoram:   / ddnewsmizoram     / ddnews_mizoram     / ddnewsmizoram