Coriente di awa fuerte posibel factor cu a causa morto di Derwin Ponson y Giovanni Marin

Den un lamentabel y tragico accidente, e forsa di lama a ranca bida di Derwin Ponson y Giovanni Marin. A haya ambos homber, piscado di profesion, conoci pa nan experiencia riba lama, sin bida despues cu nan boto a disparce durante cu nan a sali pa bay pisca diaranson ultimo. E echo aki a shock e comunidad recordando e peligernan di e lama y con un cambio inespera den e condicionnan di lama por tin consecuencia fatal.