王鄭浚仁獲三百海豚粉慶祝生日 期待再開騷邀中聲師弟妹做嘉賓

王鄭浚仁獲三百海豚粉慶祝生日 期待再開騷邀中聲師弟妹做嘉賓 王鄭浚仁啱啱踏入38歲生日，超過300海豚粉同Rax搞咗個大型生日會慶祝，Rax對粉絲有求必應，貼身同佢哋合照握手交流，收獲滿滿嘅祝福。Rax更邀請埋《中聲4》嘅師弟妹尤淑情、吳亦偉、科亞高巴，仲有候靜伊、蕭偉倫等一齊慶祝。 Rax分享自己三個生日願望，第一個係媽媽身體健康、第二個係海豚粉健康平安、第三個係自己唱歌事業越嚟越順利，期待舉行第二次個人演唱會，屆時就邀請嚟撐佢生日會場嘅中聲唱將做嘉賓。 Rax喺香港發展短短一年多，唔單只密密工作成功吸金，更重要嘅係勁吸粉絲成為佢最大推動力，佢話若果冇海豚粉一直支持，佢冇可能可以推出新歌兼且開騷，所以感激大家嘅愛戴。 #王鄭浚仁 #海豚粉 #生日會 #中聲師弟妹 #尤淑情 #吳亦偉 #科亞高巴 #候靜伊 #蕭偉倫 #生日願望 #身體健康 #演唱會 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0