ლიზი ხმიადაშვილი - წნორის ვარდები ევროპულ ბაზარზე

თურმე, კახეთში, წნორში მოყვანილი ვარდები და მისგან დამზადებული ვარდის წყალი, ზეთი და გამშრალი ვარდის ფურცელი უკვე წლებია, ექსპორტზე გერმანიაში და ევროპის სხვა ქვეყნებში გადის. გომბორზე შეგროვებული ფურისულა კი თურმე, ისევ ევროპაში, ჰაიმორიტის სამკურნალოდ, ფარმაკოლოგიაში გამოიყენება. საქმეს ლიზი ხმიადაშვილი მეუღლესთან და პარტნიორებთან ერთად უძღვება. პროფესიით ეკოლოგიური სოფლის მეურნეობის ექსპერტია და ფიქრობს, რომ ქართული ნაწარმისთვის ევროპაში საუკეთესო საშვი - ბიოსერთიფიკატია.