மகாளய அமாவாசை. நம்மை விட்டு பிரிந்த முன்னோர்களை (பித்ருக்களை) நினைத்து வழிபாடு

மகாளய அமாவாசை என்றால் என்ன? அதன் அர்த்தம் என்ன? • பொருள்: "மகாளய" என்றால் "கூட்டாக வருதல்" அல்லது "பெரிய கூட்டம்" என்று பொருள். • விளக்கம்: சாதாரண அமாவாசை நாட்களில் நம் குடும்பத்தில் மறைந்த மூன்று தலைமுறை முன்னோர்களுக்கு மட்டும் தர்பணம் கொடுப்போம். ஆனால், மகாளய அமாவாசை அன்று நம் தாய் வழி, தந்தை வழி முன்னோர்கள் மட்டுமின்றி, நம் வாழ்வில் உதவிய ஆசிரியர்கள், நண்பர்கள், உறவினர்கள் மற்றும் விபத்துக்களில் மறைந்த ஆன்மாக்கள் என அனைத்து பித்ருக்களும் கூட்டமாக பூமிக்கு வருவதாக ஐதீகம். எனவேதான் இதற்கு "சர்வ பித்ரு அமாவாசை" என்ற பெயரும் உண்டு.• பூஜைக்கான சரியான நாள்: இந்த ஆண்டின் மகாளய அமாவாசை திதி இன்று (அக்டோபர் 9) இரவு 9:35 மணிக்குத் தான் தொடங்குகிறது. சாஸ்திரப்படி சூரியன் இருக்கும் பகல் பொழுதில்தான் தர்பணம் மற்றும் சிராத்தம் செய்ய வேண்டும் என்பதால், நாளை (அக்டோபர் 10, சனிக்கிழமை) பகல் நேரத்தில் தான் இந்த மகாளய அமாவாசை வழிபாட்டையும், தர்பணத்தையும் செய்ய வேண்டும். 3. இன்று (சனிக்கிழமை) நீங்கள் செய்ய வேண்டியவை: • தர்பண நேரம்: இன்று மதியம் 11:45 மணி முதல் 3:37 மணி வரை (குதுப், ரோகின மற்றும் அபராஹ்ண காலம்) தர்பணம் செய்ய மிகவும் உகந்த நேரமாகும். • வீட்டில் செய்ய வேண்டியவை: காலை அல்லது மதிய வேளையில் கைகளில் கருப்பு எள் மற்றும் தண்ணீர் கொண்டு முன்னோர்களை நினைத்து தர்பணம் கொடுக்கலாம். முன்னோர்களுக்கு பிடித்த உணவை சமைத்து இலையிட்டு, காகத்திற்கு உணவு வைக்க வேண்டும். • தானம்: உங்களால் முடிந்த ஏழைகளுக்கோ அல்லது முதியவர்களுக்கோ அன்னதானம் அல்லது பச்சரிசி, காய்கறிகளைத் தானமாக வழங்குவது உங்கள் தலைமுறையையே வாழவைக்கும்.