سعد صالح المطرفي لا تصغر كبير ولاتكبر صغير

لا تصغر كبير ولاتكبر صغير وانتبه والمعادن ميِّز افروقها وأنزل الناس منزلها وخلّك بصير وأعط كل الخلايق صافي حقوقها الكبير إن حشمته ترى ماهو كثير شمس الأخلاق محدٍ يحجب اشروقها والصغيّر ليا شفته بعينك كبير صغرّك والحسايف تشرب امروقها زهرة الروض لو منها يفوح العبير بعض الأحيان تلقى السم بعروقها والليالي تحرْق اللي خفوقه حرير والقلوب الرقيقة تكثر احروقها مايعذب نظيف القلب غير الضمير والهقاوي ليامن شحت ابروقها والبشر ما سلم منْها طويل وقصير ناس موتى ولا سلْمت مِن حْلوقها شُح بالمدح لان المدح ماهو يسير لو كنوز المدايح سِرْق صندوقها من غدا النعْم لاكايد ولاهو عسير قام حظ الردايا وارتفع سوقها . سعد صالح المطرفي الشاعر سعد صالح المطرفي الشاعر سعد صالح المطرفي سعد المطرفي سعد صالح حسابي في انستغرام   / zox7