گەنجینەیا پەرتووکێ خەلەکا ٢١ سێ سال و پێنج خولەک مامۆستا شەعبان محەمەد

"من نەڤێت ژ دایک ببم... من نەڤێت ل سەر وێ پارچا ئەردی بمینم یا هاتیە پارچەکرن و خینا مروڤان ل سەر هاتیە رشتن!" ئەڤە هەوارا زیندانییەکێ بێ کەسوکارە ل ناڤ تاریاتییا زیندانێ! چەوا مروڤ دگەهیتە ڤی رادەیێ بێهێڤیبوونێ؟ د خەلەکا ٢١ێ یا پرۆژەیێ (گەنجینەیا پەرتووکێ) دا، ئەم دێ دەرگەهێ زیندانیێن تاری و ژیانا دژوار یا زیندانیێن سیاسی ل سالێن هەشتێیان ڤەکەین، ب مێهڤاندارییا نڤیسەر (شەعبان محەمەد). گەنجینەیا مە یا ڤێ جارێ پەرتووکا (سێ سال و پێنج خولەک)ـە. وەک نڤیسەر د دەستپێکا ڤیدیۆیێ دا دبێژیت: "ژیان شانوگەریەکا بەرفرەهە و هەمی مروڤ تێدا کارئەکتەرن، بەلێ هەر ئێکی ل گورەی وی کەرەستەیێن د دەستی دا رۆلەک دایێ". ئەڤ پەرتووکە دەربرینێ ژ ئازارێن خێزانا زیندانییەکێ سیاسی دکەت، کو د هەمان دەم دا دبیتە چیرۆکا هزاران زیندانیێن دی یێن ئەمنا دهۆکێ و ئەبوغرێب د دەستێن دەولەتا عیراقێ دا. چەند وێستگەهێن هەژینەر ژ ناڤەروکا ڤێ پەرتووکێ: ژیانا هەڤپشک یا زیندانیان: گری و کەنی، نڤێژ و خارن! زیندانییان هەمی پێرابوونێن دینداری و دنیاداری دگەل ئێک دکرن، ب تنێ ئێک تشت نەبیت کو نە د دەستێ وان دا بوو؛ ئەو ژی رۆژێن ئازادکرنا وان بوو. چیرۆکا عەلیێ بێ کەس: ئەو زیندانییێ بۆ دەمێ ٨ سالان د گۆشەیەکێ دا یێ بێدەنگ بوو، نە کەس هەبوو سەرەدانا وی بکەت، و نە کەسەک هەبوو بێژیتێ "باب، برا، یان کورێ من". تا گەهشتیە وێ رادەیێ ژبەر بێکەسییێ، ل دەف خەلکی وەسا دهاتە دانان کو هزر و بیرێن خۆ ژ دەست داینە. ساتێن سەرەدانێ و ئازارێن نەگۆتی: تو هزر بکە و خۆ بدانە جهێ وی! دەمێ هەمی زیندانی ب دیتنا دایباب و هەڤژینێن خۆ شاد دبوون، عەلی د بەر سەرەدانکارێن زیندانیێن دی را دبۆری، ب پێ خۆ یێ راستێ ب هێز ل عەردی ددا و سێ جاران ل دیڤ ئێک دگۆت: "من نەڤێت ژ دایک ببم من نەڤێت ل ناڤ چ زەڤیان شین ببم من نەڤێت ل ناڤ چ عەوران ببارم من نەڤێت ل سەر وێ پارچا عەردی بمینم یێ هاتیە پارچەکرن و خینا مروڤان ل سەر هاتیە رێشتن!". ئەم ل ناڤەندا خانی، ڤان بەرهەمێن گرنگ و مێژوویی ب دیجیتالی دپارێزین و دکەینە دیاری بۆ هەوە! بۆ داگرتنا پەرتووکێ بێ بەرامبەر ب شێوەیێ (PDF)، فەرموو سەرەدانا مالپەرێ مە بکە: 👇👇 https://navendaxani.com/se-sal-u-penc... #سێ_سال_و_پێنج_خولەک #زیندانیێن_سیاسی #شەعبان_محەمەد #گەنجینەیاپەرتووکێ #NavendaXani