ជ័យលក់នំបញ្ចុក (ស៊ីន ស៊ីសាមុត សា លួត)(ស៊ីន ស៊ីសាមុត ឆោម ឆន)

#ជ័យលក់នំបញ្ចុក បទភ្លេង ប្រពៃណី ទំនុកច្រៀង ស៊ីន ស៊ីសាមុត ដឹកនាំភ្លេង ហាស់ សាឡន ច្រៀងដោយ (ស៊ីន ស៊ីសាមុត សា លួត)(ស៊ីន ស៊ីសាមុត ឆោម ឆន) _______________________________________________ ១- អ៊ងអ៊...អឺអើយ អរុណរឿងរះលើមេឃា សត្វចាកនិទ្រាស្រែកអ៊ឺងកង អរុណរឿងរះលើមេឃា សត្វចាកនិទ្រាស្រែកអ៊ឺងកង ពពេចពពូលនិងត្រយង ស្រែកយំឆ្លើយឆ្លងក្បែរជលសា ២- ពេលព្រឹកព្រះសង្ឃឆាន់បបរ ឥសីស្លៀកសគង់ឆាន់ស្លា ពេលព្រឹកព្រះសង្ឃឆាន់បបរ ឥសីស្លៀកសគង់ឆាន់ស្លា ហេតុនេះអញ្ជើញញាតិកា ជួយពិសានំខ្ញុំពីរបីចាន អឺអើយ...នំបញ្ចុកជ័យខ្ញុំមកដល់ហើយ អស់មាមីងអើយសូមប្រណីអើយ នំបញ្ចុកជ័យខ្ញុំមកដល់ហើយ អស់មាមីងអើយសូមប្រណី អញ្ជើញពិសាទាន់ថ្មីៗ មួយចានពីរបីដោយមេត្តាអើយ អន្លក់ស្រស់ៗមានមិនខ្វះ ជូនញាតិក្មេងចាស់តាមត្រូវការអើយ អន្លក់ស្រស់ៗមានមិនខ្វះ ជូនញាតិក្មេងចាស់តាមត្រូវការ កញ្ឆែតបោះត្រួយកំពីងពួយផ្កា សូមញាតិពិសាកុំបង្អង់អើយ ត្រយូងចេញក្តឹបខ្សឹបនាងព្រលិត ត្រួយរាំស្នេហ៍ស្និទ្ធនាងលំចង់អើយ ត្រយូងចេញក្តឹបខ្សឹបនាងព្រលិត ត្រួយរាំស្នេហ៍ស្និទ្ធនាងលំចង់ ត្រកួនខ្ចីស្រស់ខ្ញុំប្រាប់ឲ្យត្រង់ ផ្កាស្នោរីកខ្ញង់ចង់នាងក្រៈទុំថេតអើយ ហៃអឺអ៊ងអើយ... (ប២)ឈប់!ឈប់! អញប្រាប់ឯងឲ្យដឹងទុកជាដំណឹងអាកំហូចអើយ អញប្រាប់ឯងឲ្យដឹងទុកជាដំណឹងអាកំហូច ទីនេះជាទិរបស់អាច្រូច មិនគួរឯងខូចមកឆាឆៅ (ប១)លោកបងច្រូចអើយកុំខែងពេក ធម្មតាក្រោមមេឃគេរស់នៅអើយ លោកបងច្រូចអើយកុំខែងពេក ធម្មតាក្រោមមេឃគេរស់នៅ នរណារកបានក៏រកទៅ ឲ្យតែមានផ្លូវស្រេចលើគេ (ប២)ទេ! ឯងនិយាយនេះពិតជាខុស ខ្វះអ្វីប្អូនប្រុសផ្លូវទំនេរអើយ ឯងនិយាយនេះពិតជាខុស ខ្វះអ្វីប្អូនប្រុសផ្លូវទំនេរ ទៅណាទៅៗកុំរំខានគេ នាំឲ្យអញអេលក់មិនដាច់ (ប១)អេឬមិនអេក៏ហីទៅ មិនបាច់ង៉ូវៗដូចឆ្កែប្រាកាច់អើយ អេឬមិនអេក៏ហីទៅ មិនបាច់ង៉ូវៗដូចឆ្កែប្រាកាច់ រឿងនេះខ្ញុំសូមប្រាប់ឲ្យស្រេច បើលក់មិនដាច់ថយចេញទៅ (ប២)អ្ហា! ផ្លូវនេះជាផ្លូវអញធ្លាប់រកស៊ី បងប្អូនមូលមីរគ្រប់លំនៅអើយ ផ្លូវនេះជាផ្លូវអញធ្លាប់រកស៊ី បងប្អូនមូលមីរគ្រប់លំនៅ តែងស៊ីនំអញគ្រប់រដូវ ស៊ីច្រើនពេកកូវមិនដែលខាន (ប១)ថ្ងៃនេះជាថ្ងៃអន្សាហើយ គេមិនស៊ីឡើយនំមិនស្អាត បើលក់មិនដាច់វាសល់តែកាតអើយ លោកបងឯងខាតធ្វើមាត់ស្ញេញ (ប២)យើះ! ហ៊ានមើលងាយដល់អញផង ប្រយ័ត្នអញពួយមួយខ្មងឲ្យក្ស័យ (ប១)សាច់ដុំសង្វិតប៉ប៉ិនមេដៃ (កូនដៃ) អើយ តែចៃក៏វាមិនខ្លាចដែរ។ _______________________________________________ មរតកសំនៀង