BHAGAVAD GITA (Chapter 4) DAY 3

स एवायं मया तेऽद्य योग: प्रोक्त: पुरातन: । भक्तोऽसि मे सखा चेति रहस्यं ह्येतदुत्तमम् ॥ 3॥ अर्जुन उवाच । अपरं भवतो जन्म परं जन्म विवस्वत: । कथमेतद्विजानीयां त्वमादौ प्रोक्तवानिति ॥ 4॥ श्रीभगवानुवाच । बहूनि मे व्यतीतानि जन्मानि तव चार्जुन । तान्यहं वेद सर्वाणि न त्वं वेत्थ परन्तप ॥ 5॥ अजोऽपि सन्नव्ययात्मा भूतानामीश्वरोऽपि सन् । प्रकृतिं स्वामधिष्ठाय सम्भवाम्यात्ममायया ॥ 6॥