ዕዝራኒ ርእያ ወረብ ዘመስከረም ጼዴንያ ማርያም | Meskerem Tsedenya Mariam Wereb 2021

አመ ፲ ለመስከረም በዓለ ጼዴንያ ማርያም። ወረብ ዕዝራኒ ርእያ ዕዝራኒ ርእያ ለጼዴንያ፣ ተናገራ መልአክ ተናገራ ወማኅደሮ ረሰያ። መዝሙር ነያ ሀገር መድኃኒት ጽዮን ቅድስት፣ ጼዴንያ ጼዴንያ ጼዴንያ ጽኑዕ ጥቅማ። ዓራ፣ ማርያምሰ ተሐቱ እምትካት ውስተ ከርሱ ለአዳም ከመ ባሕርይ ፀዓዳ። እስመ በእንቲአሃ ወበእንተ አዝማዲሃ ተሰቀልኩ ዲበ ዕፅ ይቤ ከመ አድኅኖሙ አዳምሃ አቤልሃ አብርሃምሃ ይስሐቅሃ ወያዕቆብሃ ወባዕዳነ ነቢያተ እለ ከማሆሙ ዓቀቡ ሕግየ ከመ በላዕሌሆሙ እሰባሕ እስከ ለዓለመ ዓለም። ተሣሃልከ እግዚኦ ምድረከ ሃሌ ሉያ። ሰላም፣ ማኅደረ ሰላምነ ቅድስት ደብተራ እሞሙ ለሰማዕት ወእኅቶሙ ለመላእክት ንዑ ንስግድ ኲልነ ኀበ ማርያም እምነ። ስብሐት ለእግዚአብሔር ኪያነ ዘፈጠረ ከመ ናምልኮ። ስብሐት ለማርያም እመ አምላክ እግዝእትነ ወመድኃኒትነ። ስብሐት ለመስቀለ ክርስቶስ ዕፀ መድኃኒት ኃይልነ ወፀወንነ።