方媛分享三寶識嗌爸爸媽媽 王丹妮憶述在偉仔嘉玲前出醜

方媛分享三寶識嗌爸爸媽媽 王丹妮憶述在偉仔嘉玲前出醜 方媛 任達華 王丹妮 周汶琦 同 翁嘉穗 等一眾名人藝人出席時裝騷，身穿桃紅色裙嘅 林心兒 非常搶眼，原本準備受訪嘅佢，未知係咪想避談姐夫何正德被爆攬女疑雲，臨時表示唔做訪問。 天王嫂方媛就大方分享三寶嘅成長近況，細女上月經已識得嗌爸爸媽媽，令全家人都好開心。對於早前拍綜藝節目鬧出嘅風波，方媛不欲多談，問到有冇影響拍攝進度同心情時？佢話「還好，是一個學習過程。」 Louise每次睇騷都會勾起以前做Model行騷嘅回憶，當中印象深刻一次，係佢18歲時喺劉嘉玲同梁朝偉等多位名人前行騷，點知行到天橋中途仆低，正當佢見到坐喺頭排嘅嘉玲偉仔想扶佢時，佢就即刻企起身繼續行騷，最後獲得全場掌聲。另外，Louise老公羅孝勇將於年底學成歸來，佢都話終於等到老公畢業，一家人都期待老公正式執業。 張與辰日前擔任港姐決賽表演嘉賓，佢話當日綵排時發現嘅腳傷已經康復，仲話現場睇決賽原來係好緊張。同場出席嘅仲有 蔡思貝 同 麥秋成 ，一對舊情人前後腳現身，麥秋成話喺後台有見到對方仲有交談，完全冇尷尬感覺，不過就未睇對方參演嘅電影作品。蔡一鳳向趙薇前夫黃有龍追中介費案件早前敗訴，近日佢就案件入稟上訴，蔡一鳳話事件完全冇影響心情，因為自己生意都好繁忙，加上官司事宜已經交託專人處理。 #方媛 #三寶 #嗌爸爸媽媽 #綜藝風波 #學習過程 #王丹妮 #劉嘉玲 #梁朝偉 #出醜 #掌聲 #羅孝勇 #學成歸來 #張與辰 #麥秋成 #蔡思貝 #蔡一鳳 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0