Kaakkum Ninne Kaakkum (കാക്കും... നിന്നെ കാക്കും...)

Kaakkum Ninne Kaakkum (കാക്കും... നിന്നെ കാക്കും...) Malayalam Christian Song Music: unknown composer - adapted from an old Christian song in Tamil - 'kaapaar ummai kaapaar..' Lyrics: Varghese Jacob ("ലഭിച്ചതല്ലാതെ നിനക്ക് എന്തുള്ളൂ?" / "What do you have that you did not receive?" 1. Cor. 4.7) കാക്കും... നിന്നെ കാക്കും... വാഗ്ദത്തം തന്നവൻ ഇന്നും ഇനിമേലും കാത്തീടുമേ... ഇടറാതെ മനമേ... കാത്തിടും താൻ ക്രിസ്തേശു തന്നിൽ നിന്നെ ലോകാടിസ്ഥാനം മുൻപേ തിരഞ്ഞെടുത്ത കർത്തൻ താൻ (2) വൈരിയാം നിന്നെ തവ പുത്രനായ് മാറ്റിടുവാൻ തന്നെത്താൻ ഏല്പിച്ചില്ലയോ? പാർക്ക നീ... മനമേ... നിൻ മീതെ തൻ കൊടി അൻപല്ലോ... രക്ഷയാകും മശീഹ നിൻ നാഥൻ ... [കാക്കും ...] താതന്നിഷ്ടമാംവണ്ണം മദ്ധ്യസ്ഥവാദം ചെയ്യും ആത്മാവാമീശൻ താനല്ലോ? (2) നിൻപേർക്കായ്‌ സദാ പക്ഷവാദം ചെയ്തിടാൻ ദൈവ സന്നിധേ താൻ നിൽക്കുന്നില്ലേ? പാർക്ക നീ... മനമേ... നിൻ മീതെ തൻ കൊടി അൻപല്ലോ... രക്ഷയാകും മശീഹ നിൻ നാഥൻ ... [കാക്കും ...] തൻ ദിവ്യ സ്വഭാവത്തോടാനുരൂപ്യം പ്രാപിപ്പാൻ നിന്നെ താൻ നിയമിച്ചില്ലേ? (2) ശുദ്ധിയിൽ ജയോത്സവമായ് നിന്നെ നടത്തിടാൻ മഹത്‌കൃപ താൻ തരികില്ലേ? പാർക്ക നീ... മനമേ... നിൻ മീതെ തൻ കൊടി അൻപല്ലോ... രക്ഷയാകും മശീഹ നിൻ നാഥൻ ... [കാക്കും ...] കർത്താവിൽ എല്ലായ്‌പ്പോഴും സന്തോഷം വച്ചീടുവാൻ ശ്രേഷ്ഠാധികാരം തന്നില്ലേ (2) നന്ദി നിറഞ്ഞകമഴിഞ്ഞുല്ലാസമായ് ഗമിപ്പാനും പുതുഗാനാൽ നിറയ്ക്കും നിന്നെ പാർക്ക നീ... മനമേ... നിൻ മീതെ തൻ കൊടി അൻപല്ലോ... പാറയാകും ക്രിസ്തേശു നിൻ താതൻ... [കാക്കും ...] ഇരുളിൽ പ്രകാശമായ് - തൻ വഴികൾ ഗ്രഹിച്ചീടാൻ - തൻ വചനം നിൻ സമക്ഷമുണ്ട് (2) ദിനരാത്രികളിലതു ധ്യാനിച്ച് ഗമിച്ചീടാം നടത്തും താൻ തൻ സ്വസ്ഥതയിൽ പാർക്ക നീ... മനമേ... നിൻ മീതെ തൻ കൊടി അൻപല്ലോ... പാറയാകും ക്രിസ്തേശു നിൻ താതൻ... [കാക്കും ...]