Fam Ngaite Min Hnem Rawh | Helen Zaithankungi Sailo | Lallianmawia Pachuau

He hla hi Lallianmawia Pachuau-in kum 1984-a a phuah a ni a. Pi Rithangi Maida Lane, Sikulpuikawn a mi chuan a pasal a sûn a. Pi Rithangi ngenna avângin a phuah ta a ni. Radio leh cassette-ah Helen Zaithankungi’n thiam takin a sa. FAM NGAITE MIN HNEM RAWH Songwriter : Lallianmawia Pachuau 1. Dam lâi nun ka tân tahna, Hlimnan kâwl a êng si lo; Hlimtêa lungruala lêng thin kha, Fam khawpui tualah min liamsan ta. Piallei thlân thimah a zâl ta e, Lei hringnun hian e ka tuar thiam lo; Lalnunnem fam ngâite min hnêm rawh. 2. Chhûn ni rêng a sei lua e, A zân khua a tâwi si lo; Hraichâwi lêng ar-ang vâi sakhmel hi, Thlir chângin tah zâi ka rêl leh thin. 3. Tlâi khua lo hnîm riai riai e, Siang an lâwi mi pâ te zawng; Kei ka pawm lâi ve kha khawnge maw? Sakhmel tawn ni rêng a awm ve lo! 4. Zantiang reh bawh-âr khûang e, Lunglên puan-ang lo tharin; Kan nunhlui liam hnu ka dâwn kir a, Chûn lungmawl tuara’n a sâng lua e.