Ukraynanın işğal olunmuş ərazilərində Putinə qarşı ÜSYAN: "Yemək, su, işıq yoxdur"

#Kanal13abuneol​ #LikeKanal13News​ #Subscribe #Kanal13TV Əziz izləyicilərimiz! Biz sizin SƏSİNİZ OLMAQ üçün AZADLIĞIMIZI itirdik. Rəhbərimiz Əziz Orucov hələ də həbsdədir. Bizə DƏSTƏK olun, ABUNƏMİZ OLUN:    / @kanal13x   Rusiyanın işğalı altında olan Donetskdə sakinlərin gündəlik həyatının ağır vəziyyətdə olduğu bildirilir. Şəhər sakinlərindən biri çəkdiyi videoda yaşadığı mənzildə su və elektrik enerjisinin olmadığını göstərib. Qadın mənzili gəzərək kommunal xidmətlərin vəziyyətini nümayiş etdirib. O, elektrik cihazlarını rozetkalara qoşsa da, heç birinin işləmədiyini bildirib. Mətbəxdə isə vəziyyət daha acınacaqlıdır. Təmir zamanı aldığı bahalı məişət texnikasından istifadə edə bilməyən sakinlər su ehtiyaclarını adi plastik ləyən vasitəsilə qarşılamağa məcbur qalırlar. Qadın vəziyyəti istehza ilə şərh edərək deyib ki, bu qədər xərc çəkməkdənsə, elə bir plastik ləyən almaq kifayət edərdi. Ləyənin dibində isə paslı və çirkli suyun izləri görünür. Sakin videoda vəziyyəti belə ifadə edib: “Heç nə işləmir! Bütün bunlara niyə pul xərclədim?” Qeyd olunur ki, 2014-cü ilə qədər Donetsk Ukraynanın ən inkişaf etmiş və iqtisadi baxımdan əhəmiyyətli şəhərlərindən biri olub. Şəhər iri sənaye, mədəniyyət və biznes mərkəzi kimi tanınıb. Burada müasir infrastruktur, universitetlər, stadion, hava limanı, restoranlar və ticarət mərkəzləri fəaliyyət göstərib. İşğaldan sonra isə şəhərin kommunal infrastrukturunda ciddi problemlərin yarandığı bildirilir. Xüsusilə su təminatında vəziyyət kritik olaraq qalır. Əsas su kəmərinin fəaliyyətinin dayanması, kommunal şəbəkələrin köhnəlməsi və nasos stansiyalarında tez-tez elektrik enerjisinin kəsilməsi problemi daha da dərinləşdirir. Yeni inşa edilən “Don-Donbas” su kəmərinin şəhərin tələbatını yalnız qismən ödədiyi bildirilir. Təchiz olunan suyun isə bir çox hallarda texniki təyinatlı olduğu və istifadədən əvvəl ciddi filtrasiyaya ehtiyac duyduğu qeyd edilir. Oxşar vəziyyətlə bağlı Mariupoldan da məlumatlar yayılıb. Rusiya işğalından sonra ciddi dağıntılara məruz qalan Mariupolda şəhər sakinləri gündəlik həyatın ağır olaraq qaldığını bildirirlər. BBC-yə danışan yerli sakinlərin sözlərinə görə, Rusiya telekanallarında nümayiş etdirilən görüntülər şəhərdəki real vəziyyəti əks etdirmir. Sakinlər iddia edirlər ki, əsas küçələrdə bəzi binaların fasadları daha çox görüntü xatirinə təmir olunur. Bir neçə addım aralıda isə dağıdılmış və təhlükəli vəziyyətdə olan binalar qalır. BMT-nin məlumatına görə, Mariupolda yaşayış fondunun təxminən 90 faizi zədələnib və ya tamamilə dağılıb. Minlərlə insan həyatını itirib və ya şəhəri tərk etmək məcburiyyətində qalıb. Mariupoldan olan keçmiş sakinlərdən biri bildirib ki, şəhərin mərkəzindəki bəzi binalar təmir olunsa da, digər ərazilərdə dağıdılmış evlərin yerində yeni tikililər aparılmayıb. Onun sözlərinə görə, dağıntılar təmizlənsə də, ölənlərin cəsədlərinin taleyi ilə bağlı ciddi suallar qalır. Şəhərdə əsas problemlərdən biri isə yenə də su çatışmazlığıdır. Sakinlərin sözlərinə görə, bəzən su bir-iki gün verilir, daha sonra üç gün ərzində kəsilir. İçməli suyun keyfiyyətinin də ciddi narahatlıq doğurduğu bildirilir. Yerli sakinlər suyu qaynatdıqdan sonra belə içməyə ehtiyat etdiklərini deyirlər. Beləliklə, işğal altındakı Donetsk və Mariupolda kommunal problemlərin, xüsusilə su və elektrik çatışmazlığının sakinlərin gündəlik həyatını ciddi şəkildə çətinləşdirdiyi bildirilir. https://bit.ly/2V19Fdy - Kanal13 GLOBAL ▌▌►Website: http://kanal13.info Click & Subscribe to the main YouTube Channel – Kanal13 Global:    / @kanal13az   © KANAL13 Tags: _#Ukraine, #Russia, #Putin, #Putler, #Russian invasion of Ukraine, #Zelenski, #Kiev, #Kyiv, #Kadyrovarmy, #Kadirov, #Kherson, #Bucha, #Kharkiv, #Ukrainian pilots, #Vagners, #Russiantanks, #NATO, #drones, #Moscow, #Kreml, #warvictims #Ukrayna, #Zelensky, #Trupm, #DonaldTrump, #savaş, #Qarabağ, #Bakı