العلاقة الحميمة: لما يصير الـفايت بين الشريكين صامت..

في أشياء بالعلاقة الزوجية منختلف عليها، منتخانق عليها، ومنرجع منحكي فيها... وفي أشياء تانية منسكت عنها تمامًا. والعلاقة الحميمة يمكن تكون من أكتر المساحات اللي منعيش فيها هالصمت. خجل، خوف من الرفض، صورة ما منحبها عن جسمنا، معتقدات تربينا عليها، أشياء ما منعرف كيف نطلبها أو حتى كيف نحكي عنها... ومع الوقت، الـFight اللي عم يعيشه كل شخص جواته ممكن يتحول لمسافة حقيقية بين الشريكين. بهالحلقة من Fight or Dance، بحكي مع المعالجة النفسية الجنسية أميرة الديب عن الجانب اللي قليل منحكي عنه بالعلاقة الحميمة: شو بيصير نفسيًا بين شخصين لما الكلام يوقف؟ والأهم: كيف منفتح هالحوار مع شريكنا بدون لوم أو إحراج؟ ومتى لازم نطلب مساعدة؟ وكيف مننتقل من Fight صامت... لعلاقة فيها أمان وقرب وDance حقيقي بين شخصين؟ يمكن أصعب المشاكل بالعلاقة مو هي اللي منتخانق عليها... يمكن هي اللي ما منحكي عنها أصلًا.