Muqaddas. Odil Yoqubov qissasi asosida radioteatr (1961)

20-oktabr – O‘zbekiston xalq yozuvchisi Odil Yoqubov (1927–2009) tug‘ilgan kun. Муқаддас. Одил Ёқубов қиссаси асосида радиотеатр. 1961 йилда ёзиб олинган радиоасар режиссёри: Дамир Шокиров. Овоз режиссёри: Наби Ҳасанов. Ролларда: Тўти Юсупова, Тўлқин Тожиев, Тошхон Султонова, Сайфи Олимов, Турғун Азизов, Махсум Юсупов, Муҳаммад Умархўжаев / Muqaddas. Odil Yoqubov qissasi asosida radioteatr. 1961 yilda yozib olingan radioasar rejissyori: Damir Shokirov. Ovoz rejissyori: Nabi Hasanov. Rollarda: To‘ti Yusupova, To‘lqin Tojiyev, Toshxon Sultonova, Sayfi Olimov, Turg‘un Azizov, Maxsum Yusupov, Muhammad Umarxo‘jayev «Muqaddas» qissasi oltmishinchi yillar yoshlarining sevimli asarlaridan biri edi. Qissa — muhabbat haqida, to‘g‘rirog‘i, fojeiy sevgi haqida. Chin muhabbat, poklik va halollikning ramzi. Qissa qahramoni Sharifjon sevgilisi Muqaddasga erishish orzusida xudbinlikka yo‘l qo‘yadi va... suyuklisidan ayriladi. Chunki xudbinlik va nohalollik hukm surgan joyda muhabbat so‘nadi, hatto o‘ladi. Shu boisdan «Muqaddas» qissasi bugungi kun uchun ham, ehtimol kelajak uchun ham ibratli bo‘lib qolaveradi. «Муқаддас» қиссаси олтмишинчи йиллар ёшларининг севимли асарларидан бири эди. Қисса — муҳаббат ҳақида, тўғрироғи, фожеий севги ҳақида. Чин муҳаббат, поклик ва ҳалолликнинг рамзи. Қисса қаҳрамони Шарифжон севгилиси Муқаддасга эришиш орзусида худбинликка йўл қўяди ва... суюклисидан айрилади. Чунки худбинлик ва ноҳалоллик ҳукм сурган жойда муҳаббат сўнади, ҳатто ўлади. Шу боисдан «Муқаддас» қиссаси бугунги кун учун ҳам, эҳтимол келажак учун ҳам ибратли бўлиб қолаверади. Одил Ёқубов 1926 йил 20 октябрда ҳозирги Жанубий Қозоғистон вилоятининг Қарноқ қишлоғида туғилган. Ўзбекистон халқ ёзувчиси (1985). ТошДУнинг филология факултетини тамомлаган (1956). Дастлабки асари — «Тенгдошлар» қиссаси 1951 йилда эълон қилинган. Шундан сўнг ёзувчининг «Дастлабки қадам» (1953), «Икки муҳаббат» (1955), «Муқаддас (1960), «Тилла узук», «Бир фелетон қиссаси» (1961), «Қанот жуфт бўлади», «Матлуба» (1970) қисса ва ҳикоялар тўпламлари нашр этилган. «Эр бошига иш тушса…» (1966), «Улуғбек хазинаси» (1973), «Кўҳна дунё» (1982), «Диёнат» (1977), «Оққушлар, оппоқ қушлар» (1988), «Адолат манзили» (1998) каби романлар муаллифи. «Чин муҳаббат» (1955), «Айтсам тилим, айтмасам дилим куяди», «Юрак ёнмоғи керак» (1958), «Олма гуллаганда» (1961), «Музаффар Темур» (1996), «Бир кошона сирлари» (2000) каби песалар, «Дилбарим», «Баҳор ёмғирлари» киностсенарийлари ҳам бор (1971).Одил Ёқубов 2009 йил 21 декабр куни Тшкент шаҳрида вафот этди.Ҳамза номидаги Ўзбекистон Давлат мукофоти лауреати (1977), «Дўстлик» (1994), «Эл-юрт ҳурмати» (1998) орденлари билан мукофотланган. Одил Ёқубов 2009 йил 21 декабрь куни Тошкент шаҳрида вафот этган. Odil Yoqubov 1926 yil 20 oktyabrda hozirgi Janubiy Qozog‘iston viloyatining Qarnoq qishlog‘ida tug‘ilgan. O‘zbekiston xalq yozuvchisi (1985). ToshDUning filologiya fakultetini tamomlagan (1956). Dastlabki asari — «Tengdoshlar» qissasi 1951 yilda e’lon qilingan. Shundan so‘ng yozuvchining «Dastlabki qadam» (1953), «Ikki muhabbat» (1955), «Muqaddas (1960), «Tilla uzuk», «Bir feleton qissasi» (1961), «Qanot juft bo‘ladi», «Matluba» (1970) qissa va hikoyalar to‘plamlari nashr etilgan. «Er boshiga ish tushsa…» (1966), «Ulug‘bek xazinasi» (1973), «Ko‘hna dunyo» (1982), «Diyonat» (1977), «Oqqushlar, oppoq qushlar» (1988), «Adolat manzili» (1998) kabi romanlar muallifi. «Chin muhabbat» (1955), «Aytsam tilim, aytmasam dilim kuyadi», «Yurak yonmog‘i kerak» (1958), «Olma gullaganda» (1961), «Muzaffar Temur» (1996), «Bir koshona sirlari» (2000) kabi pesalar, «Dilbarim», «Bahor yomg‘irlari» kinostsenariylari ham bor (1971).Odil Yoqubov 2009 yil 21 dekabr kuni Tshkent shahrida vafot etdi.Hamza nomidagi O‘zbekiston Davlat mukofoti laureati (1977), «Do‘stlik» (1994), «El-yurt hurmati» (1998) ordenlari bilan mukofotlangan. Odil Yoqubov 2009 yil 21 dekabr kuni Toshkent shahrida vafot etgan.