Ağaxan Abdullayev - Nadan nə bilir eşqi məhəbbət nə deməkdir

BİLMƏZ Könlüm o güllün vəslinə nə üçün çata bilməz ? Hicranın əlindən gecə - gündüz yata bilməz. Sevdayi məhəbbətdə ki, məhşuri cahanəm Çox sadədir bu könlüm evi, heç xata bilməz. Nadan nə bilir eşqi - məhəbbət nə deməkdir Heç vaxtı kömürçü, ləli - gövhər sata bilməz. İnsanda nəcabətlə onun əsli gərəkdir Ayran nə qədər qalsa da qaymaq tuta bilməz. Hər kəsdən uzaqlaşmaq olar, nanəcib olsa Övlad ola fərsiz, onu insan ata bilməz. Daim anadangəlmə şirin olmalıdır dil Gəl olsa acı, heç kəs ona qənd qata bilməz. Bakir elə bir dürr yarad, xalq səni sevsin Xalqa sevsə sənətkarı, ona dağ bata bilməz. Əliağa Bakir