«Մանկավարժի աղջիկ էր խափեցի, թլսորեցի ինձանով արի».Գորիկի ու Զարինեի անհավանական սիրո մեղեդին

Զարինե և Վաղինակ Քոչարյանների պատմությունը՝ 50 տարվա սեր, հավատարմություն ու հումորով լցված ընտանեկան կյանք։ Նրանք ամուսնացել են առանց միմյանց ճանաչելու, բայց տարիների ընթացքում սիրել են իրար այնպես, ինչպես շատերը երազում են սիրել։ Սովետական տարիներից մինչև մեր օրեր՝ նրանց հիշողությունները մի ամբողջ դարաշրջանի հայելի են․ խնամախոսություն՝ կոնյակով ու մատանիով, Թիֆլիսից բերված հարսի շոր, զուռնա-դհոլով հարսանիք, տարիների քրտնաջան աշխատանք, և ամենակարևորը՝ սեր, որ չի մարել անգամ կես դար անց։ Սա պարզապես պատմություն չէ՝ սա մարգահովիտցի ամուսինների կյանքն է, գյուղական բարիության, հողի շնչի ու իսկական մարդկային ջերմության օրինակ։