Ֆրանսիան ճգնաժամի մեջ է․ ինչ է փոխվում Եվրոպայում ու Իրանի շուրջ | Platform 131

Ֆրանսիան ճգնաժամի մեջ է․ ինչ է փոխվում Եվրոպայում ու Իրանի շուրջ | Platform 131 Աջակցեք հաղորդմանը Patreon-ում՝   / platformarm   Այս թողարկման ընթացքում Էդմոն Մարուքյանն ու Կարպիս Փաշոյանը քննարկում են ՏԻՄ ընտրությունների շուրջ Նիկոլ Փաշինյանի վերջին հայտարարությունները, ընտրական խախտումների մասին անձամբ իրեն դիմելու կոչերը և այն հարցը, թե որքանով է նման մոտեցումը տեղավորվում պետական ինստիտուտների բնականոն աշխատանքի տրամաբանության մեջ։ Զրույցում անդրադարձ է կատարվում նաև ընդդիմության հնարավոր վարքագծին, տեղական իշխանությունների նկատմամբ վերահսկողությանը, վարչական ռեսուրսի կիրառման թեմային և այն մտահոգությանը, որ #վարչապետ ի շուրջ կարող է ձևավորվել մի համակարգ, որտեղ տարբեր պետական մարմինների գործառույթները կենտրոնացվում են մեկ քաղաքական կենտրոնի շուրջ։ Առանձին թեմա է #Ֆրանսիա յում և ընդհանրապես #Եվրոպա յում խորացող սոցիալական ու քաղաքական ճգնաժամը։ Քննարկվում են Ֆրանսիայի բողոքի մշակույթի պատմական արմատները, սոցիալական անհավասարությունը, կրթական համակարգի խնդիրները, պետական պարտքի աճը և այն պատճառները, որոնք կարող են խորացնել քաղաքական անկայունությունը։ Զրույցում անդրադարձ կա նաև Եվրոպայում աճող դժգոհություններին, քաղաքական համակարգերի ճգնաժամին, Մարի Լը Պենի և այլ ուժերի դիրքավորմանը, ինչպես նաև այն հարցին, թե որքանով կարող են քաղաքացիների սոցիալական խնդիրները վերածվել ավելի լայն քաղաքական փոփոխությունների։ Թողարկման մյուս հատվածում քննարկվում են Ռուսաստան-Իրան հարաբերությունները, Սերգեյ Լավրովի այցը Թեհրան, Իրանի միջուկային ծրագրի շուրջ հնարավոր զարգացումները և ԱՄՆ-ի՝ Ռուսաստանի ու Իրանի նկատմամբ փոփոխվող քաղաքականությունը։ Անդրադարձ կա նաև Ուկրաինայի պատերազմի շարունակությանը, Զելենսկու վերջին առաջարկներին, Եվրոպայի ներսում ուժեղացող քաղաքական ու սոցիալական ցնցումներին, Ռուսաստանում ստալինյան խորհրդանիշների վերադարձի միտումներին, ինչպես նաև Հայաստանի սահմանային հարցերին, Տիգրանաշենի կարգավիճակի շուրջ քննարկումներին և այն հարցին, թե ինչ քարտեզներով ու ինչ սկզբունքներով պետք է ընթանա սահմանազատման գործընթացը։ ___________________________ Էդմոն Մարուքյանը և Կարպիս Փաշոյանը Պլատֆորմ փոդքասթի շրջանակներում քննարկում են այն ճշմարտությունները, որոնք իրենց համոզմամբ օդ ու ջրի պես անհրաժեշտ են Հայաստանին և հայ ժողովրդին, ինչպես նաև քննարկում են Հայաստանի առաջ ծառացած մարտահրավերները։