დოკუმენტური ფილმი „საქართველო მსოფლიო მშვიდობისთვის“

დოკუმენტური ფილმი „საქართველო მსოფლიო მშვიდობისთვის“ საერთაშორისო მშვიდობისა და უსაფრთხოების უზრუნველყოფაში ქართული სამხედრო კონტინგენტის 17-წლიან მონაწილეობას ასახავს. კოსოვოში, ერაყში, ავღანეთში, ცენტრალური აფრიკის რესპუბლიკასა და მალიში წარმოებულ საერთაშორისო მისიებში მონაწილე ქართველი სამხედროები დაკისრებული მოვალეობებისა და ამოცანების შესახებ, მიღებულ გამოცდილებასა და მისიის მნიშვნელობაზე საუბრობენ. სამხედრო თვალსაზრისით მიღწეულ შედეგებსა და საერთაშორისო ოპერაციებში ქართული არმიის მონაწილეობის პოლიტიკურ მნიშვნელობას კი, გენერალური შტაბის უფროსი, გენერალ-მაიორი ვლადიმერ ჩაჩიბაია და თავდაცვის მინისტრი ლევან იზორია აფასებენ.