GAC S7 - Full Review by Square Car

I. Intro ថ្ងៃនេះប្រណីតភាព គឺជាប្រធានបទរបស់យើងដោយសារវីដេអូនេះយើងមាន GAC S7 នៅក្នុងដៃ ដើម្បីធ្វើការ Review។ II. Body នេះគឺជារថយន្ត GAC S7 SUV ប្រណិតកំពុងពេញនិយមក្នុងទីផ្សារកម្ពុជា នាំចូលដោយក្រុមហ៊ុនផ្លូវការ GAC Motor Cambodia មានធានា 5ឆ្នាំ 150,000km។ រថយន្តនេះមានជា 2 ជម្រើស៖ Options Max: $44,900 Options Ultra: $48,900 Engine Specification រថយន្ត GAC S7 បំពាក់ដោយ៖ ម៉ាស៊ីនសាំង 1.5T + ម៉ូទ័រអគ្គិសនីចំនួន ២ (មុខ-ក្រោយ) ដំណើរការដោយប្រព័ន្ធ AI (PHEV) កម្លាំងសរុប 501HP / 740NM ប្រអប់លេខជាប្រភេទ Hybrid 2វគ្គ (2-Speed Dedicated Hybrid Transmission-2DHT) សម្រាប់ការចាក់សាំង និងសាកភ្លើងមួយពេញអាចបើកបរបាន 1,150km សាកមួយពេញ អគ្គិសនីសុទ្ធ អាចបើកបរបាន 150km (ប្រើប្រាស់ថ្ម Magazine Battery ទំហំ 36.3 kWh) កម្រិតប្រើប្រាស់ប្រេងឥន្ធនៈជាមធ្យម៖ 1.3L - 1.8L / 100km មានមុខងារ V2L អាចទាញថាមពលអគ្គិសនីពីរថយន្តមកប្រើប្រាស់ខាងក្រៅបានកម្លាំង 3.3 kW Exterior design (Front) ផ្នែកខាងមុខរចនាបែប Clean ស្អាតបែបបទអនាគត តែរក្សាបាននូវភាពប្រណិត ចង្កៀងមុខបង្គុំដោយគ្រាប់អំពូល LED តូចៗចំនួន 2,618 គ្រាប់ មានមុខងារ បិត-បើក និងតម្លើង-ទម្លាក់ពន្លឺដោយស្វ័យប្រវត្តិ ជាពិសេសគឺមាន Animation ដែលអាចផ្លាស់ប្តូរបាន 8 Mode និងអាច Customize តួអក្សរបានផងដែរ ខាងមុខបានបំពាក់មកនូវ: Parking Sensors Camera 540-Degree Radar & Sensors ដើម្បីជាជំនួយការធ្វើឱ្យរថយន្ត មានសុវត្ថិភាពខ្ពស់ និងវ័យឆ្លាតដូច Ai Dimensions GAC S7 មាន៖ ទទឹងប្រវែង 1,950mm បណ្តោយ 4,900mm កម្ពស់ 1,780mm គម្លាតកង់ 2,880mm សូមនាំអារម្មណ៍បងប្អូនបន្តចូលទៅកាន់ផ្នែកចំហៀង! Exterior design (Side Design) ផ្នែកចុះហៀង តួរខ្លួនរចនាបែប smooth បែបប្រណិត និងជ្រែកលំហូរខ្យល់បានល្អ យ៉ាន់ប្រភេទ Aluminum 20-inch ពណ៌ខ្មៅបែប Black Edition មើលទៅទាន់សម័យ ត្រឡោកកញ្ចក់មានមុខងារក្តោបដោយស្វ័យប្រវត្តិ មានស៊ីញ៉ូ LED កាមេរ៉ាមួយគ្រាប់ និងមានមុខងារ Blindspot Monitorផងដែរ ផ្នែកលើដំបូលបន្ថែមមកជាមួយនឹងកាងបន្តិចជួយការពារ និងបន្ថែមសោភ័ណភាពសម្រាប់រថយន្ត SUV GAC S7 ដៃទ្វារលិប-លៀនអូតូម៉ាតិច មើលទៅ Clean ស្អាត ថែមទាំងមានមុខងារទ្វារបឺត (Soft Close Door) កញ្ចក់ទ្វាររថយន្តជាប្រភេទកញ្ចក់ ២ ជាន់ និងកញ្ចក់ក្រោយជា Privacy Glass ផ្តល់នូវឯកជនភាព សូមនាំបងប្អូនចូលទៅកាន់ផ្នែកខាងក្រោយ! Exterior design (Rear Design) ចូលមកកាន់ខាងក្រោយនេះវិញ ចំណុចដែលលេចធ្លោជាងគេ គឺស្តុប LED ជ្រុងៗជាបន្ទាត់ពាត់ជុំទ្វារក្រោយ ដែលជាភាព Unique ប្លែកពីគេមួយ របស់ S7 មើលទៅប្រណិត កាងខាងក្រោម មានមកជាមួយនឹង Parking Sensors សម្រួលការចូលចត កាម៉េរាក្រោយធ្វើការជាមួយនឹង 540-Degree Camera និងកាមេរ៉ាមួយគ្រាប់ទៀត សម្រាប់ Digital Rear View Mirror ឃ្លុបខាងក្រោយអូតូម៉ាតិច មានទំហំធំទូលាយ ផ្ទុកឥវ៉ាន់បានច្រើនសម្រាប់បរិបទគ្រួសារ សូមនាំអារម្មណ៍បងប្អូនបន្តរចូលទៅកាន់ផ្នែកខាងក្នុង! Interior (1st Row) ចូលមកដល់ខាងក្នុងនេះ វាធ្វើឱ្យខ្ញុំកាត់បន្ថយអារម្មណ៍ស្ត្រេសបានច្រើន ព្រោះគេរចនាមកឱ្យទូលាយ និងស្រឡះល្អ ស្បែកជាប្រភេទ Ultra-Soft NAPPA Leather ទន់ខ្លាំងបំផុត ដែលនេះជាលើកទី1 ហើយសម្រាប់ខ្ញុំដែលប្រទះពូកស្បែក រថយន្ត ដែលទន់ដល់ថ្នាក់ហ្នឹង សូម្បីតែខ្នើយ កល់ក ក៏ទន់ខ្លាំងដែរ កៅអីចុចអេឡិចត្រូនិច មានមុខងារខ្យល់ត្រជាក់ ខ្យល់ក្ដៅ ម៉ាស្សា និង Memory Seat ទាំងនៅកៅអីជួរទីមួយ និងជួរទីពីរ ពិសេសសម្រាប់តៃកុង មានមុខងាររំកិលងាយស្រួលចេញចូល និងទម្រជើង អេក្រង់កម្សាន្តទំហំ 15.6-inch មានមុខងារភ្ជាប់ Wireless Apple CarPlay & Android Auto, ហើយយើងអាចប្រើប្រាស់អេក្រង់នេះ ដើម្បីគ្រប់គ្រងមុខងារសំខាន់ៗរបស់រថយន្តផ្សេងៗ ជាពិសេសយើងអាចមើលទៅលើគំហើញរូបភាពកាមេរ៉ា 540 ឌឺក្រេ អេក្រង់ផ្តល់ពត៌មានសម្រាប់អ្នកបើកបរមានទំហំ 8.88-inch បង្កប់ក្នុងតាបឡូ មើលទៅស្អាត កាន់តែពិសេស គឺស្លាយបាញ់កុងទ័រ ឬ W-HUD មានទំហំធំរហូតដល់ទៅ 27-inch ផ្តល់ព័ត៌មានពាក់ព័ន្ធជាមួយនឹងការបើកបរ ចង្កូតស្រោបស្បែក Electronic ផាសុកភាពក្នុងការបើកបរ និងមានប៊ូតុង Multi-function បញ្ជាបានគ្រប់យ៉ាង និងមានចង្កឹះលេខរចនាបថថ្មីនៅលើដៃចង្កូត សម្រាប់ការសាកថ្ម គឺមាននូវ Wireless Charger 50W និងមានរន្ធខ្យល់កាត់បន្ថយកម្ដៅក្នុងអំឡុងពេលសាកថ្ម មានរន្ធសាកថ្ម Type A, Type C និងឌុយបារី 12V Speaker ជាប្រភេទ ADiGO SOUND Pro Audio System មានចំនួនរហូតដល់ទៅ 22 គ្រាប់ មានកម្លាំងរហូតដល់ទៅ 1,640W ហើយកាន់តែពិសេសក៏មាន Speaker នៅលើ Headrest ផងដែរ ខាងលើបំពាក់មកជាមួយនឹងដំបូល Panoramic Roof ទំហំធំ ផងដែរ ព្រមទាំងភ្លើង Ambient Light ក្នុងរថយន្ត ប្រព័ន្ធសុវត្ថិភាព (Safety Features) Lane Departure Warning ប្រព័ន្ធផ្ដល់ដំណឹង ពេលរថយន្តចាកចេញពីគន្លង Emergency lane keeping assist រក្សាឲ្យការបើកបរស្ថិតនៅលើគន្លងផ្លូវត្រឹមត្រូវ ប្រព័ន្ធ Forward Collision Warning ផ្ដល់ដំណឹងពីឧបសគ្គនៅខាងមុខ Adaptive Cruise Control កំណត់ល្បឿនតាមឡានខាងមុខ Automatic Emergency Warning ចាប់ហ្រ្វាំងបន្ទាន់ដោយស្វ័យប្រវត្តិពេលមានឧបសគ្គ Blind Spot Detection ដាស់តឿនពេលវ៉ាជែង Door Open Warning ដាស់តឿនពេលបើកទ្វារសងខាង Rear Cross Traffic Alert ផ្ដល់ជាដំណឹងនៅពេលមានឧបសគ្គអំឡុងពេលរយ័រថយក្រោយ Auto Parking System (ប្រព័ន្ធចូលចតអូតូម៉ាទិច) ប្រព័ន្ធហ្រ្វាំង ABS / EBD / ESP ប្រព័ន្ធទប់លំនឹង Traction Control ប្រព័ន្ធជំនួយពេលឡើង-ចុះចំណោត ប្រព័ន្ធប្រាប់សម្ពាធខ្យល់កង់ ពោងសុវត្ថិភាពមានដល់ទៅ 10ចំណុច មួយជុំរថយន្ត រួមមកជាមួយនឹងប្រព័ន្ធសុវត្ថិភាពបន្ទាប់បន្សំជាច្រើនផ្សេងទៀត Interior (2nd Row) កៅអីជួរទី2 នេះអាចសារ៉េបានដោយស្វ័យប្រវត្តិ មានមុខងារម៉ាស្សា ខ្យល់ត្រជាក់ និងខ្យល់ក្ដៅ ហើយយើងក៏អាចបញ្ជាឱ្យបត់រៀបស្មើដើម្បីដាក់ឥវ៉ាន់បានច្រើនបានផងដែរ រន្ធសាកថ្ម និងម៉ាស៊ីនត្រជាក់ផ្នែកខាងក្រោយ សារ៉េបានដាច់ដោយឡែក ជួរទី2 នេះធំទូលាយ ផាសុកភាព និងប្រណិតភាព