الليلة كملت قصتنا || Ellila kemlt qestna - مصطفى مكي

انشودة (الليلة كملت قصتنا) انشاد : د مصطفى مكي كلمات : عماد عيد الحان : منعم صلاح هندسة وتوزيع : محمد الخلفاوي اخراج : شهد اشرف Lyrics | كلمات الأنشودة الليلة قلوبنا بتسقَّف والفرحة في عينّا بتلالي بتزغرط ويّانا الدنيا وتبارك لينا يا حلالي مش سايعانا حروف الكون ما بقينا لبعضينا خلاص تعب السكّة في ثانية يهون مِن فرحتنا وسط الناس قلبي وقلبك مش قلبين بقوا واحد مانقولش اتنين نتقاسم في الدنيا طريقنا ما اتلاقوا يا قلبي النُصّين والليلة كِمِلِتْ قصّتنا.. أنا وانتِ والفرْح تالتنا من كلمة بقا لينا حياة.. والحب بيجمعنا في بيتنا اخترتيني وقلبي اختارك أصل الطير بيحِنْ لطِيره وكإنّي متغرَّب دايمًا شافك أهلُه وناسُه وداره راح اشيلك في حَبابي العين دا مكانك عندي يا حياتي هوّ هلاقي زيّك فين؟ عدّيتي فعلًا حساباتي زي عيال والمَطَرةْ عليهُم زي ورود تحضُنّها الشمس لأ أكتر واللّٰهِ حبيبتي ده أجمل إحساس يتحس والليلة كِمِلِتْ قصّتنا.. أنا وانتِ والفرْح تالتنا من كلمة بقا لينا حياة.. والحب بيجمعنا في بيتنا خطوة بخطوة هنبني حياة ضحكة بضحكة نعدّي المُر تيجي أكونلك بيت ونجاة وانتِ تِملي عليَّ العمر إيد في الإيد والسكّة طويلة عايزك ليّا في كام مشوار ياخدوا العمر بحالُه حبيبتي تاخدي بحِسِّي وتبقي الدار وتكوني الأم لأولادنا وابقالك قبليهم أب عيلة.. دفا وأمان ويّاكي بالنسبالي دا معنى الحب والليلة كِمِلِتْ قصّتنا.. أنا وانتِ والفرْح تالتنا من كلمة بقا لينا حياة.. والحب بيجمعنا في بيتنا #الليلة_كملت_قصتنا #مصطفى_مكي