BYD SHARK 6 Advanced Full Review - by Square Car

Intro Pick up ឥឡូវមិនដូចពីមុនទេ ពីមុនផ្ដោតលើតែការដឹក និងការធ្វើអាជីវកម្ម! តែភ្លេចថាឥឡូវក៏ផ្ដោតលើភាពស៊ីវីល័យ សន្សំចៃ និងសមត្ថភាពខ្លាំង ថែមទាំងទំនើប និងសុវត្ថិភាព! បងប្អូនទៅរកណាទៀត គឺនៅក្បែរខ្លួនខ្ញុំនេះ! ហើយអ្វីដែលជាមោទនភាពបំផុតនោះ BYD Shark 6 Advanced មួយនេះ គឺជាផលិតផលក្នុងស្រុក ដែលបានផ្គុំ និងដំឡើងដោយស្នាដៃកូនខ្មែរយើងផ្ទាល់តែម្ដង នៅឯរោងចក្រខេត្តព្រះសីហនុ! ស្នាដៃខ្មែរយើងខ្លាំងកម្រិតណា កុំឱ្យខាតពេលវេលាយូរ សូមនាំអារម្មណ៍បងប្អូនទស្សនាអំពីចំណុចពិសេសនៃរថយន្ត BYD SHARK 6 Advanced ដែលមានតម្លៃផ្លូវការត្រឹមតែ $43,800 នេះទាំងអស់គ្នា! Body Specification រថយន្តនេះមានភាពបត់បែនខ្លាំងខ្ពស់បំផុត ជាមួយបច្ចេកវិទ្យាបើកបរឆ្លាតវៃបែប 4 in 1 ដែលអាចដំណើរការបានដល់ទៅ ៤ ជម្រើសឯណោះ គឺ៖ BEV: ប្រើប្រាស់ថាមពលអគ្គិសនីសុទ្ធ ICE: ដំណើរការដោយម៉ាស៊ីនសាំងសុទ្ធ REEV: ដំណើរការដោយថាមពលអគ្គិសនី ហើយផលិតថាមពលបន្ថែមដោយម៉ាស៊ីនសាំង PHEV: ប្រើប្រាស់ម៉ាស៊ីនសាំង និងប្រព័ន្ធអគ្គិសនីរួមគ្នាសម្រាប់ការបើកបរ ហើយការបើកបរគឺបត់បែនតាមស្ថានភាពផ្លូវតែម្ដង៖ ពេលបើកបរក្នុងក្រុង: បងប្អូនអាចបើកបរដោយប្រើប្រាស់ថាមពលអគ្គិសនីសុទ្ធ មិនអស់ប្រេងសាំងសូម្បីតែមួយដំណក់ ពេលធ្វើដំណើរផ្លូវឆ្ងាយ: រថយន្តនឹងដំណើរការដោយប្រព័ន្ធ Hybrid ឆ្លាតវៃ ទៅណាៗមិនបារម្ភរឿងអស់អាគុយ ឬអស់ប្រេងសាំងឡើយ គ្រោងឆ្អឹង ជាប្រភេទ DMO ដើរដោយប្រព័ន្ធបង្វិលកង់ All-wheel Drive (AWD) ឆ្លាតវៃ បំពាក់នូវម៉ូទ័រអគ្គិសនីចំនួនពីរ គឺ៖ ម៉ូទ័រខាងមុខមានកម្លាំង 170 kW កម្លាំងរមួល 310 Nm ម៉ូទ័រខាងក្រោយមានកម្លាំង 159 kW កម្លាំងរមួល 340 Nm ភ្ជាប់មកជាមួយម៉ាស៊ីនសាំង 1.5T បង្កើតកម្លាំងបាន 135 kW និងកម្លាំងរមួល 260 Nm ទៀត កម្លាំងសរុបពីម៉ាស៊ីន និងម៉ូទ័រអគ្គិសនីមុខ-ក្រោយគឺបាន 541HP / 650NM ដែលផ្តល់កម្លាំងបង្វិលខ្លាំងភ្លាមៗ មិនថាតែការដឹកធ្ងន់ ឬឡើងចំណោតចោតៗទេ គឺដឹងតែធូរតែម្ដងបងប្អូន! ល្បឿនអតិបរមា Top-speed គឺរត់បានដល់ 160 km/h! ប្រើប្រាស់អាគុយ BYD Blade Battery ប្រភេទ Plug-in Hybrid មានទំហំ 29.58 kWh សម្រាប់អគ្គិសនីសុទ្ធបើកបរបាន 100 km អមដោយចំណុះធុងសាំង 60 លីត្រ។ ចាក់សាំងមួយពេញ និងសាកភ្លើងមួយពេញ គឺបងប្អូនអាចបើកបរបានចម្ងាយផ្លូវសរុបរហូតដល់ទៅ 860 km ឯណោះ! សន្ទុះនៃការវាត់ទ្រនិចកុងទ័រពី 0-100km/h ចំណាយពេលត្រឹម 5.7វិនាទី កម្រិតស៊ីប្រេងជាមធ្យម៖ 6-7L / 100km Front design (ការរចនាខាងមុខ) Shark 6 Advanced មាន (ទទឹង 1,971mm, បណ្តោយ 5,457mm, គន្លាតកង់ 3,260mm និងកម្ពស់ 1,925mm) ចង្កៀងមុខតាមគោលគំនិតបែបត្រីឆ្លាម អមមកជាមួយនឹង Daytime Running light ភ្លឺច្បាស់ល្អ ចង្កៀងមានមុខងារសារ៉េដោយអូតូម៉ាតិច តម្លើង-ទម្លាក់ពន្លឺ និងបិទ-បើកដោយស្វ័យប្រវត្តិ ខាងក្រោមមានមកជាមួយការរចនា Fog lamp ដ៏ទាក់ទាញ កាងខាងមុខរចនាបែប Off-road អំណាច និងស្វាហាប់ Parking sensors សម្រួលចូលចតខាងមុខ 4គ្រាប់ កាមេរ៉ាផ្នែកខាងមុខមួយគ្រាប់ធ្វើការជាមួយនឹងកាមេរ៉ា 540 Degree Side Design (ផ្នែកខាងចំហៀង) ទទឹងក៏ធំ បណ្តោយក៏វែង ជាពិសេសតួចំហៀងមើលមកឃើញមាឌធំ ក្រាស់ សុទ្ធតែសាច់ដុំ យ៉ាន់អាលុយមីញ៉ូមទំហំ 18-inch concept បែប 2 tone ដែលបំពាក់មកជាមួយសំបកកង់ទំហំ ២៦៥/៦៥/R១៨ ស័ក្តិសមសម្រាប់ឡាន off-road! ត្រឡោកកញ្ចក់មានមុខងារក្តោប ស៊ីញ៉ូ LED, Camera 1 គ្រាប់ និងមានមុខងារ Blind spot monitor ផងដែរ ក្រឡេកមកមើលបច្ចេកវិទ្យាបើកទ្វារវិញ គឺយើងទទួលបានកាត NFC សម្រាប់យកមកប៉ះស្កេន Lock & Unlock ទ្វារឡានបានយ៉ាងឡូយ ហើយយើងក៏អាចប្រើប្រាស់កម្មវិធី BYD App នៅលើទូរស័ព្ទដៃ ដើម្បីបញ្ជាបិទបើកម៉ាស៊ីនត្រជាក់ ឆែកមើលស្ថានភាពឡាន និងបញ្ជាស្ទើរតែគ្រប់យ៉ាងលើរថយន្តបានពីចម្ងាយទៀតផង! ផ្នែកលើដំបូលមានមកជាមួយនឹងការបន្ថែមសោភ័ណភាព និងជាមុខងារជំនួយពេល Camping Rear Design (ផ្នែកខាងក្រោយ) ទ្វារទ្រុងក្រោយមានមុខជំនួយស្រាលក្នុងការបិតបើក ទ្រុងក្រោយមានរន្ធអគ្គិសនី ដែលអាចយកភ្លើងមកប្រើប្រាស់ខាងក្រៅបាន ទ្រុងក្រោយនេះ ក៏មាននូវភ្លើងបំភ្លឺផងដែរ កាងក្រោយក៏មានមកជាមួយនឹង Parking sensors និងកាម៉េរាជំនួយមួយគ្រាប់ផងដែរ Interior – 1st Row (ជួរមុខ) ចូលមកកាន់ផ្នែកខាងក្នុងនេះយើងទទួលបានអារម្មណ៍នៃភាពធំទូលាយ និងបច្ចេកវិទ្យាទំនើបព័ទ្ធជុំវិញខ្លួន តែក៏មិនភ្លេចដែរអំពីវត្ថុធាតុដើមដូចជាស្បែកដែលបំពាក់សឹងតែគ្រប់ទីកន្លែងបង្កើតនៅអារម្មណ៍បែបទាន់សម័យនិងប្រណិត អេក្រង់ប្រព័ន្ធកម្សាន្តទំហំ 12.8in មានមុខងារភ្ជាប់ Wireless Apple CarPlay & Android Auto អេក្រង់នេះយើងក៏អាចមើលទៅលើ 540 degree camera និងប្រើប្រាស់ដើម្បីបញ្ជារទៅលើប្រព័ន្ធសីតុណ្ហភាពក្នុងឡាន ក៏ដូចជាកំណត់បិត-បើកនូវមុខងារមួយចំនួននៅលើឡានបានផងដែរ កាន់តែពិសេសយើងអាចប្រើប្រាស់មុខងារបញ្ជារដោយសម្លេង "Hi BYD" បានក្នុងឡាននេះផងដែរ អេក្រង់ផ្តល់ពត៌មានសម្រាប់អ្នកបើកបរមានទំហំ 10.25inch បង្ហាញទិន្នន័យបានច្បាស់ ចង្កូតប្រភេទអេឡិចត្រូនិកធូរស្រួលក្នុងការបត់ និងមានប៊ូតុងអាចបញ្ជារបានច្រើនយ៉ាងទៅលើ Options របស់ឡាន កន្លែងសាកថ្មឥតខ្សែឬ Wireless charger ទំហំ 50W Speaker 8 គ្រាប់ កៅអីខាងមុខមានមុខងារកម្តៅ និងត្រជាក់ ហើយក៏អាចសារ៉េដោយ Automatic ផងដែរ ក្រឡេកទៅមើលផ្នែកខាងលើយើងទទួលបាននូវដំបូលកញ្ចក់ Panoramic roof បង្កើនសោភ័ណភាពខាងក្នុងកាន់តែប្រសើរ។ Interior – 2nd Row (ជួរក្រោយ) កៅអីជួរទី 2 យើងទទួលបាននូវភាពធំទូលាយ ម៉ាស៊ីនត្រជាក់បាញ់នៅផ្នែកខាងក្រោយ Safety (ប្រព័ន្ធសុវត្ថិភាព) បើនិយាយអំពីប្រព័ន្ធសុវត្ថិភាពវិញ សូមរៀបរាប់ត្រួសៗជូនបងប្អូន៖ ប្រព័ន្ធ Adaptive cruise control Front collision warning Lane departure warning Emergency lane departure assist Intelligent high beam Automatic emergency braking Blind spot monitor Door open warning ជាដើម ប្រព័ន្ធជំនួយពេលឡើងនិងចុះចំណោទ ប្រព័ន្ធហ្វ្រាំង ABS/ EBD/ BA ពោងសុវត្ថិភាពមួយជុំរថយន្ត ចំនួន ៦ គ្រាប់ រួមមកជាមួយនឹងប្រព័ន្ធសុវត្ថិភាពជាច្រើនសំបូរបែបផ្សេងទៀតដែលខ្ញុំរៀបរាប់មិនទាន់អស់ក្នុងវីដេអូនេះ។