ഭാഗം 1: നമ്മുടെ ജൂത പാരമ്പര്യം :എബ്രഹാം ബെൻഹർ

ഡോ. അബ്രഹാം ബെൻഹർ എറണാകുളം ജില്ലയിലെ മൂവാറ്റുപുഴയിൽ കടമറ്റത്ത്, മരവെട്ടിക്കൽ മാണിമാപ്പിളയുടെയും അന്നമ്മയുടെയും രണ്ടാമത്തെ മകനായി ജനിച്ചു. 1950-ൽ, വയനാട്ടിലേക്ക് കുടിയേറി. പ്രാഥമിക വിദ്യാഭ്യാസം മൈലമ്പാടി ആദിവാസി സ്‌കൂളിലും മീനങ്ങാടി ഹൈസ്‌കൂളിലും. കോഴിക്കോട് ഗുരുവായൂരപ്പൻ കോളജിൽനിന്ന് ധനശാസ്ത്രത്തിൽ ബിരുദാനന്തരബിരുദം. സോഷ്യലിസ്റ്റ് വിദ്യാർത്ഥി-യുവജനസംഘടനകളിൽ ഔദ്യോഗിക ഭാരവാഹിത്വം. കാലിക്കറ്റ് യൂനിവേഴ്‌സിറ്റിയിൽ ഗവേഷണ വിദ്യാർത്ഥിയായിരിക്കെ 'മിസ' പ്രകാരം അടിയന്തരാവസ്ഥയിൽ അറസ്റ്റ്-പീഡനം, ജയിൽവാസം. കാർഷികവൃത്തികൊണ്ടുള്ള ഉപജീവനം. ഭാര്യ: ആനി ടീച്ചർ, മകൻ: നിത്യൻ. സാമൂഹ്യ-രാഷ്ട്രീയ പ്രശ്‌നങ്ങളിലെ ഇടപെടലുകൾക്കും പരിസ്ഥിതിസംരക്ഷണത്തിനുമായി രൂപീകരിച്ചിട്ടുള്ള ഹരിതസേനയുടെ ചെയർമാൻ. Megalithic Research Centre-ന്റെ ഡയറക്ടർ, International Nazrani Foundation-ന്റെ വർക്കിങ് പ്രസിഡണ്ട്. ഏറ്റവും നല്ല വിദ്യാഭ്യാസ ഡോക്യുമെന്ററി ചിത്രത്തിന് 1997-ൽ ദേശീയ അവാർഡ്. 'Location of Eden’, 'The Jewish Background of Indian People’, 'Megalithic Monuments of the Jewish Lost Tribes’, 'ഭാരതത്തിലെ ജൂത ക്രിസ്ത്യാനികൾ', 'മഹാശിലാസംസ്‌കാരം' എന്നീ ഗവേഷണഗ്രന്ഥങ്ങളും സാമ്പത്തിക ശാസ്ത്രലേഖനങ്ങളും 'ബെൻഹർ കവിത'കളുടെ സമാഹാരവും പ്രസിദ്ധീകരിച്ചിട്ടുണ്ട്.