Ağaxan Abdullayev - "Zabul-Segah" muğamı (audio)

Hörmətli kanalımızın izləyiciləri! Diqqətinizə Azərbaycan muğam sənətinin görkəmli nümayəndəsi, Xalq artisti Ağaxan Abdullayevin ifasında "Zabul-Segah" muğamını təqdim edirik. Müşayiət edirlər: Tar – Xalq artisti Firuz Əliyev Kamança – Əməkdar artist İsmayıl Həmidov Bu ifa Azərbaycan Televiziyasının "Muğam Dünyası" verilişi üçün lentə alınmışdır. İfada səslənən qəzəllərin müəllifi görkəmli Azərbaycan şairi Əliağa Vahiddir. Zabul-Segah Azərbaycan muğam sənətinin yeddi əsas muğamından biri olan Segah muğam ailəsinə aid ən geniş yayılmış və ən çox ifa olunan dəstgahlardan biridir. Zabul şöbəsinin inkişafı əsasında formalaşdığı üçün "Zabul-Segah" adını almışdır. Bu muğam dərin lirizmi, kövrək emosional təsir gücü və zəngin improvizasiya imkanları ilə seçilir. Onun ifası xanəndədən yüksək peşəkarlıq, geniş səs diapazonu və incə bədii duyum tələb edir. Dəyərli izləyicilərimiz, ümid edirik ki, bu qiymətli muğam ifası zövqünüzü oxşayacaq. Videonu bəyənməyi, fikirlərinizi şərhlərdə bölüşməyi və kanalımıza abunə olmağı unutmayın. - - - - - - - - - - - - - - - - - - - - - - - - - - - - - - - - - - - Dəraməd 00:12 - 02:17 Bərdaşt 02:17 - 03:51 Mayə 03:51 - 08:13 Rəng 08:13 - 10:04 Manəndi-Müxalif 10:04 - 13:54 Rəng 13:54 - 14:54 Segah 14:54 - 18:59 Rəng 18:59 - 19:40 Zil Zabul 19:40 - 22:57 Rəng 22:57 - 23:32 Manəndi-Hisar 23:32 - 24:43 Zil Manəndi-Müxalif 24:43 - 26:03 Rəng 26:03 - 26:44 Zil Manəndi-Müxalif 26:44 - 28:01 Zabula qayıdış 28:01 - 28:13 Segaha əyaq 28:13 - 28:28 - - - - - - - - - - - - - - - - - - - - - - - - - - - - - - - - - - - ◼️ BƏRDAŞT, MAYƏ Uyma hər zülfü qara sevgili canana, könül, Bu vəfasızlar edərlər səni divanə, könül. Mümkün olduqca çalış, yanamayasan eşq oduna, Şəmdən gör nə çəkir hər gecə pərcanə, könül. Sən hələ eşq kəməndində əsir olmamısan, Uyma Məcnun kimi hər zülfi-pərişanə, könül. Güldə olsaydı vəfa, xar ilə yar olmaz idi, Bülbülün ahi yayılmazdı gülüstanə, könül. Aşina olmaq əbəsdi bu pəriçöhrələrə, Yenə bir gün olacaqlar sənə biganə, könül. Sevdiyin olsa Züleyxayi-zaman, sən Yusif, Məkr edib saldıracaqdır səni zindanə, könül. Vahidin ömrü bütün nazlı gözəllərlə keçib, Bu həqiqət sözü zənn eyləmə əfsanə, könül. ◼️ MANƏNDİ-MÜXALİF Biz bir qatar tutiyi-şirinsuxənlərik, Öz nəğməmizlə ziynəti-sərvi-çəmənlərik. Gülüzlülər təranəmizin həsrətin çəkir, Baği-vətəndə bülbüli-xoşnəğməzənlərik. Bir kimsə bilməyir nə xərabatilərdənik, Meyxanələr müsafiri rindi-kuhkənlərik. Bizdən həmişə zövq alıb ərbabi-mə'rifət, Biz əhli-halə ətr saçan yasəmənlərik. Mə'şuqəmiz həqiqi Züleyxayi-əsrdir, Eşq aləmində Yusifi-gülpirəhənlərik. Lövh üzrə pirimiz bizi yazmış şəhidi-eşq, Meydani-ədlü daddə gülgünkəfənlərik. Cavid həmişə xəlqimizin xatirindədir, Vahid, o yoxsa ruhi ilə həmvətənlərik. ◼️ SEGAH Yoxsa, ey gül, yenə gülzardə hal eyləmisən? Qönçənin bağrını qan, bülbülü lal eyləmisən? Qamətin sayə salan yerlərə gün sürtər üzün, Onu sərgəşteyi-zülfü xətü xal eyləmisən? Qaş qaraldıqda üzünlə dura bilməz qarşı, Məgər, ey məh, Günəşə ərzi-cəmal eyləmisən? Özgələr məhrəm olub vəslinə, öz aşiqini Yandırıb hicr ilə məhrumi-vüsal eyləmisən! Aşiqin könlünü yıxmaq, gözəlim, yaxşı deyil, Tutar axır səni ahim, nə xəyal eyləmisən? Sən ki yoxdun, nə bilirdim ələmi-eşq nədir, El içində məni Məcnunə misal eyləmisən. Vahid, əhsən sənə, tən oxlarını gəldikcə Yığmısan dövrənə, bir cahu cəlal eyləmisən. ◼️ZİL ZABUL, MANƏNDİ-HİSAR, ZİL MANƏNDİ-MÜXALİF Sevgilim, eşq olmasa, varlıq bütün əfsanədir, Eşqdən məhrum olan insanlığa biganədir. Sevgidir, yalnız məhəbbətdir həyatın cövhəri, Bir könül ki, eşq zövqün duymasa, qəmxanədir. Mən əsiri-eşqiyəm öz xalqımın, öz yurdumun, Sevməyən öz xalqını, öz yurdunu divanədir. Qoy Vətən daim işıqlansın gözəl bir şəmtək, Könlüm ol şəmin ziyasın seyr edən pərvanədir. Nazənin, rəna gözəllərdir - baxırsan hər yana, Bəs bu torpaq indi bir cənnət deyil, ayə, nədir? Ölkəmizdə gör nələr var, başqa bir aləmdəyik, Hər çiçək bir nazənin, hər qönçə bir cananədir. Vahidəm mən, sevgilim, məndən xəyanət görməsən, Şairəm, eşqim də öz qəlbim kimi mərdanədir. - - - - - - - - - - - - - - - - - - - - - - - - - - - - - - - - - - - - Sosial media hesablarımız: Facebook : Fuad Ramazanov https://www.facebook.com/fuad.ramazan... Instagram : ramazanovfuad https://instagram.com/ramazanovfuad?i... WhatsApp ilə əlaqə +994 77 403 60 04 +994 10 372 02 24