10. Şur məqamı istinad pərdələri və alterasiya

Növbəti video-mühazirə şur məqamının istinad pərdələri və alterasiya və xromatizm xüsusiyyətləri haqqındadır. Hər bir istinad pərdəsi qeyd olunarkən, ona uyğun muğam şöbəsi ifa olunur. Alterasiyalı pərdələrinin muğamın hansı şöbələrində istifadə olunduğunu bildirməklə həmin şöbələr f-no alətində ifa olunur. Şur məqamında alterasiyanın əmələ gəlmə səbəbləri də bu mühazirədə qeyd olunur. Kanalımıza abunə olun, videoları bəyənməklə paylaşın. Qeyd" Mühazirənin fonunda Ü.Hacıbəyli adına Dövlət simfonik orkestrinin ifasında F.Əmirovun "Şur" simfonik muğamı səslənir. Dirijor - Rauf Abdullayev. Şur məqamında olan musiqi nümunələri Xalq musiqisi Mahnılar – “A dağlar”, “Ahu kimi”, “Alma almaya bənzər”, “Ay qadası”, “Bazarda alma”, “Bülbülün geydiyi sarı”, “Çıxdı günəş”, “Dəli ceyran”, ”Gəl, gəl ahu balası”, “Güləbatın”, “Gülə-gülə”, “Qarabağın maralı”,“Qara qaşın vəsməsi”, “Qara tellər”, “Qalalıyam”, “Sarı gəlin”, “Səhər-səhər yaz çağı”, “Səndən mənə yar olmaz”, “Şuşa ceyranı”, “Yadıma sən düşəndə”, “A ləli yar”, “Qara gilə” və s. Rəqslər – “Atlanma”, “Bakı”, “Cıdır”, “Qəhrəmani”, “Qızılgül”, “Üçayaq yallı”, “Bakı”,”Dilşadı” və s. Zərbli muğamlar – “Mani”, “Səmayi-şəms”, “Osmanı” Azərbaycan bəstəkarlarının əsərləri Üzeyir Hacıbəyli – “Leyli və Məcnun” operasından: II şəkil: Ərəblərin xoru “Vermə, vermə”. “Koroğlu” operasından: Uvertüra.(giriş mövzu) III pərdə: “Çənlibel” xoru (Şur – Rast). “Arşın mal alan” musiqili komediyasından: Müqəddimə. Gülçöhrənin ariyası “Aşiq oldum” (Şur – Segah – Şur). Fikrət Əmirov – “Sevil” operasından: Sevilin ariozosu. Sevilin laylası. “Şur” və“Kürd-Ovşarı” simfonik muğamları. Soltan Hacıbəyov – “Karvan” simfonik lövhəsi. Asəf Zeynallı – “Ölkəm” romansı. (Rast – Şur – Segah – Şur) Qənbər Hüseynli – “ Ay işığında.” Tofiq Quliyev – “Lirik mahnı”, (“Sevgi nəğməsi”), “Neftçilər” mahnısı. Cahangir Cahangirov – “Bana bana gəl.” Ramiz Mirişli – “Nəğməkar qız.” Hacı Xanməmmədov – “Gözünə qurban.”