18 жастағы сарбаз әскерде соққыға жығылып, жәбір көргендігін жеткізді

Ақтаулық ата-ана 18 жастағы сарбазды сержант соққыға жықты деп полицияға арыз жазды. Үш ай бұрын әскерге барған бозбала шағымын жақындарына видео қоңырау арқылы айтып, көгала қойдай көгерген жүзін көрсеткен екен. Ауруханаға түскен баланың жағдайына туыстары алаңдап отыр. Олар ұлдарына әлімжеттік көрсеткен әскерилерді қатаң жазалауды талап етеді. Еркебұлан Досымбетпен видео арқылы хабарласып, баласының шағымын естіген ата-ана Ақтаудан Ақтөбеге алып-ұшып жеткен. Сарбаз сержанттардың әлімжеттік көрсеткенін ашық айтқан. Жұдырығымен ұрғаны аздай аяғымен де аямай теуіп, ауыр соққылардан бозбала ауруханаға түсті дейді әкесі. ДАНИЛ ДОСЫМБЕТОВ, сарбаздың әкесі: Осылай-осылай ұрған болса, ұрды, ұрмаған болса, ұрмады. Жасырма, ертең қазір операция ма, тағы бірдеңеге түсіп қаласың», – дегенде, балам қорыққанынан: «Иә, менде осындай-осындай жаңағы сержантымыз бір екі рет бұт жағыма ұрды, қолымен ұрды, сосын аяғымен тепті. Шыға алмай қалдым кіші дәретке деді. .. Сап-сау әскерге барған ұлдарының жағдайын көрген әке-шешесі шошып кеттік деп отыр. Олар азып-тозған бала әбден азап көрген деп топшылайды. ГҮЛДАНА КЕТІБАЕВА, сарбаздың анасы: Бала катетермен осы мына больницада жатыр екен. Иә, азып кеткен, сосын үстіне киген ана киімі андай жаман-жаман киіммен, тозып кеткен. Весь обросший, көздері ішіне кіріп кеткен баланың. 18 жастағы сарбаздың жағдайы орташа ауыр дейді дәрігерлер. Ем-шарадан кейін нақты диагнозы белгілі болмақ. ӘДІЛБЕК ИСМАЙЛОВ, Ақтөбе облыстық көпсалалы аурухана басшысының орынбасары: Түскен кезде кіші дәрет болмауына байланысты қабылдау бөлімінде катетеризация жасап, кіші дәрет шығарылды. Қазіргі таңда науқасқа тиісті диагностикалық шаралар жасалды, емдеу шаралары жүргізіліп жатыр. Қазіргі таңда науқастың жағдайына, өміріне қауіпті ешқандай белгілер жоқ. Емін алуда, жалпы жағдайы орташа ауырлықтан қанағаттанарлыққа жақын. Еркебұлан Досымбеттің 6655 әскери бөліміне келгеніне үш айдай уақыт болыпты. Әскерилер тексеріс жүргізіп, кінәлі адамға міндетті түрде шара қолданамыз деп сендірді. ТӨЛЕГЕН ТҰРАҚБАЕВ, 6655 әскери бөлім командирінің орынбасары: «Билікті немесе лауазымдық өкілеттіктерді асыра пайдалану» бабымен қылмыстық іс қозғалды. 5-і күні Батыс өңірлік қолбасшылығының қолбасшысы, Әскери полиция басқармасының бастығы Ақтөбе қаласына келді. Сол күні сарбаздың ата-аналарымен кездесу ұйымдастырылды. Және тергеу іс-шарасы қазір жүргізілуде. Нақты бүгінгі таңда сарбазға әлі нақты диагноз қойылмады. Жас сарбазды ата-анасы әскерде қалдырмауға бекінген. Олар әлімжеттіктің кесірінен ұлымыз осы күйге түсті дейді. #Информбюро #31арна #БастыЖаңалықтар #Новости #31канал