✨足本訪問：黎彼得追思會群星致意🕯️紀念冊公開與張國榮古天樂舊合照🖼️郭鋒憶拍劇常結伴覓食：「佢講兩句又窒吓你其實好nice」🥺尹光 農夫 陳友🎤12月演出致敬音樂會 許冠傑洽談中｜Viu1現場實況

✨足本訪問：黎彼得追思會群星致意🕯️紀念冊公開與張國榮周星馳古天樂舊合照🖼️郭鋒憶拍劇常結伴覓食：「佢講兩句又窒吓你其實好nice」🥺尹光 農夫 黎瑞恩 陳友🎤12月演出致敬音樂會 許冠傑洽談中｜Viu1現場實況 有「鬼馬填詞人」之稱嘅黎彼得於8月5日病逝，享年76歲，家屬於8月31日低調舉行家祭後火化，今日就喺將軍澳仁濟醫院靚次伯紀念中學舉行追思會。追思會喺學校大禮堂進行，黎彼得兒子黎樹德及生前好友鍾志光一早到場打點，現場佈置簡潔，門外展示黎彼得所獲嘅榮譽獎項，並放有紀念冊供來賓簽名。黎彼得生前好友郭鋒、余安安、阮兆輝、羅樂林、樊奕敏、蘇韻姿、孫慧雪、大AL張武孝及顏聯武等均有到場致意！每位到場悼念人士均獲發電子蠟燭同埋紀念小冊子，當中載有黎彼得生前與許冠傑、張國榮、成龍、周星馳、古天樂及契仔黃宗澤等巨星好友合照，記錄佢廣結人緣嘅一生。 鍾志光、羅樂林、蘇韻姿、樊奕敏、單立文及陳霆浚會後受訪，鍾志光指黎彼得走得突然，因性格樂觀，所以追思會定調都要開心！羅樂林表示同黎彼得一齊拍劇但接觸唔算多，今日聽到好多故事，覺得唔嚟就係好大損失！蘇韻姿大讚黎彼得：「佢好鍚後輩，好慶幸同佢合作過！」 豹哥單立文解釋喺台上話樂壇欠黎一個交代：「都係講事實，覺得低估咗Peter哥，覺得佢作品嘅涵蓋包羅萬有！」鍾志光補充黃霑都曾講過黎彼得係一個被低估嘅填詞人！講到請許冠傑拍片，鍾志光話知道佢哋係多年好友，黎彼得過身後，許冠傑曾寫過一段紀念文字俾家屬，今日Sam有事缺席，但都錄製短片，相當有心！ 郭鋒受訪就話同黎彼得係拍劇集《惡毒老人同盟》認識，大家差唔多年紀，覺得黎為人得意且講嘢有紋有路，有時講啲嘢好似講笑但其實係入心入肺，鍾意講兩句又窒吓你但其實又好nice，當時經常結伴去搵嘢食，食到有時餐廳老闆會免費請客，郭鋒話有幸可以認識到佢，並覺得雖然黎彼得肉體離開咗，但依然活喺大家心中，又大讚佢才華實在好高！ 張國林透露正籌備於12月5、6日喺香港演藝學院舉行兩場向黎彼得致敬嘅慈善音樂會，演出嘉賓確定有尹光、農夫、JW、黎瑞恩及陳友等，並正邀請許冠傑！ #張家輝 #Yoyo蒙嘉慧 #鍾雪瑩 #黃綺琳 #胡楓 #我阿爹想旅行 #忘情水 #流氓師表 #足本訪問 #現場實況 #Viu1娛樂新聞 #Viu1煲劇平台 #Viu1 #Viu 記得Subscribe Viu1HK嘅YouTube Channel，Follow埋IG、Threads同Facebook page呀👇🏻 _____________________________________________________ ►訂閱 Viu1HK YouTube Channel: https://bit.ly/3lYFNLW ►追蹤 Viu1HK Instagram:   / viu1hk   ►追蹤 Viu1HK Threads: https://www.threads.com/@viu1hk ►讚好 Viu1HK Facebook page:   / viu1hk   ►觀看更多精彩內容：https://www.viu.com