BYREK ME TRAHANA TE EMBEL/SUPE ME QOFTE ME TRAHANA/BYREK ME TRAHANA SPINAQ (Receta nga znj.Katerina)

“Kendi I gatimit” ne News24 - 17 dhjetor, 2019 BYREK ME TRAHANA TE EMBEL 500 gr trahana e ëmbël 1 litër ujë 300 ml qumësht 4 kokrra vezë 500 gr djath i bardhë 4 lugë supe gjalpë 5 petë për byrek ½ filxhan vaj ulliri ½ filxhan gjalpë 1 lç kripë 1 vezë e rrahur me 1 filxhan qumësht për petët Në një tenxhere hedhim 500 ml ujë (ose 2 gota) dhe 500 gr trahana dhe e lemë të zbutet për 15 minuta. Shtojmë 2 gotat e tjera me ujë, qumështin e vemë në zjarr mesatar duke e përzier vazhdimisht derisa të valojë dhe të trashet. Parangrohim furrën në temperaturën 180 gradë. Rrahim në një tas vezët duke i perzier me djathin, shtojmë 4 lugë gjalpë dhe trahananë qe e kemi zier më parë, e cila është ftohur pak. Lyejmë tepsinë me gjalpë dhe vaj ulliri dhe shtrojmë petët njëra pas tjetrës. Hedhim në mes përzierjen e tasit dhe mbledhim bukur anët e petës. E spërkasim sipër me vezën e rrahur me qumësht dhe e pjekim në furrë në temperaturën 180 gradë për rreth 1 orë. BYREK ME TRAHANA DHE SPINAQ 1 pako peta për byrek 200 gr trahana të ëmbël 1 kg spinaq 1 qepë të thatë 2-3 qepë të njoma 1-2 tufa koper 1-2 tufa majdanoz 2-3 kokrra vezë 150 gr djath Vaj ulliri / gjalpë Kripë, piper Grijmë spinaqin dhe erëzat dhe i vendosim në një tas ku shtojmë djathin e thërrmuar, trahananë, kripën dhe piperin. I përziejmë mirë të gjithë përbërësit. Lyejmë një tavë me yndyrë dhe vendosim 2-3 petë duke i spërkatur me gjalpë ose vaj ulliri. Vendosim masën e përgatitur me spinaq dhe mbi të hedhim vezët e rrahura me qumësht. Vendosim më pas 2-3 petë të tjera spërkatur me yndyrë. Sipas dëshirës mund ta presim byrekun pa e pjekur dhe më pas ta vendosim në furrë të parangrohur në temperaturën 180 gradë Celsius për 40-45 minuta. SUPE ME QOFTE ME TRAHANA Për qoftet: 500 gr mish i grirë 1 filxhan çaji trahana të ëmbël 1 qepë të thatë 1 të bardhë vezë 1 lgj vaj ulliri Kripë, piper Koper, majdanoz Për supën: 1.5 litër lëng perimesh 2 të verdha veze 2 lgj trahana të thartë 1 patate 1 karrotë Bashkojmë në një tas të gjithë përbërësit e qofteve dhe më pas brumin e qofteve e lemë të pushojë për disa minuta. Në një tenxhere vendosim 1.5 litër lëng perimesh dhe e lemë të marrë valë, më pas shtojmë qoftet rrumbullake një e nga një dhe i lemë të ziejnë për disa minuta. Rrahim 2 të verdha veze me 2 lugë trahana, rregullojmë temperaturën e vezëve (që të mos priten) me pak lëng perimesh të ngrohtë dhe e shtojmë tek supa me qofte. E lemë supën në temperaturë mesatare të vlojë për rreth 10 minuta duke e trazuar lehtë herë pas here. Sipas dëshirës kësaj supe mund ti shtojmë 1 patate dhe 1 karrote të grirë në kubikë të vegjël.