زابيري صدم الصحافة الإسبانية | روي كين: بوعدي خصو يصحاح | حكيمي + صيباري + أوناحي

اللاعبين المغاربة مازالين كيتألقو فالملاعب الأوروبية، وآخر واحد خطف الأنظار هو ياسين زابيري، لاعب راسينغ سانتاندير، اللي توج بجائزة لاعب الشهر بعدما سجل 5 أهداف. زابيري فاجأ حتى الصحافيين الإسبان بالثقة الكبيرة اللي كيهضر بها على راسو. اللاعب سبق ليه وقال بأنه واثق يقدر يسجل أكثر من 10 أهداف هاد الموسم، ودابا راه وصل بالفعل لـ5 أهداف، يعني نصف الطريق تقريبا. وفي فرنسا، كاينة انتقادات كبيرة للويس إنريكي بسبب الإصابة اللي تعرض ليها قائد المنتخب المغربي أشرف حكيمي، خصوصا وأن حكيمي لعب جميع الدقائق تقريبا منذ بداية الموسم. ومن جهة أخرى، أيوب بوعدي مازال كيبهر الجميع. ميكا ريتشاردز وروي كين كانوا معجبين بزاف بالمستوى ديالو، وركزو خصوصا على الذكاء الكروي ديالو . أما فالدوري الألماني، إسماعيل صيباري رجع للمستوى اللي عودنا عليه. الفريق كان كيتحرك بشكل أفضل ملي كانت الكرة عند اللاعب المغربي، وحتى الانسجام ديالو مع زملائه بان أنه تحسن بشكل واضح. وفي اليونان، عز الدين أوناحي أكد من جديد أنه قادر يصنع الفارق. اللاعب المغربي سجل هدف رائع مع باناثينايكوس وأنقذ الفريق من فخ التعادل، والهدف ديالو نال إشادة كبيرة من الجماهير والإعلام اليوناني.