गुंतवणूकदारांना हक्काची मालमत्ता परत मिळवून देण्यासाठी क्लिअरक्लेम चा पुढाकार

#unclaimedmoney #unclaimedshares #demataccount #papersharestodemat #clearclaim #sharemarket देशभरात आजही सुमारे ₹४ लाख कोटींचे शेअर्स, लाभांश (डिव्हिडंड) आणि इतर आर्थिक मालमत्ता विविध कारणांमुळे निष्क्रिय, विस्मृतीत गेलेल्या किंवा दावा न झालेल्या अवस्थेत आहेत. जुन्या भौतिक शेअर प्रमाणपत्रांचा हरवलेला मागोवा, पत्ता बदलल्यानंतर नोंदी अद्ययावत न करणे, कुटुंबीयांना गुंतवणुकीची माहिती नसणे किंवा कागदपत्रे हरवणे यामुळे अनेक गुंतवणूकदार आणि त्यांच्या वारसांना आपल्या हक्काच्या मालमत्तेपासून वंचित राहावे लागत आहे. विशेषतः गुंतवणूकदाराच्या निधनानंतर वारसांना अनेक वर्षांनी जुनी शेअर प्रमाणपत्रे किंवा लाभांशाची कागदपत्रे सापडतात. मात्र, या मालमत्तेवर दावा करण्यासाठी विविध संस्था, नियामक प्रक्रिया, पडताळणी आणि विस्तृत कागदपत्रांची पूर्तता करावी लागत असल्याने ही प्रक्रिया अनेकांसाठी गुंतागुंतीची ठरते. याच समस्येवर उपाय म्हणून पुणेस्थित क्लिअरक्लेम (Clearclaim) ही कंपनी गुंतवणूकदार आणि त्यांच्या कुटुंबियांना विस्मृतीत गेलेल्या आर्थिक मालमत्ता परत मिळवून देण्याचे काम करत आहे. कागदी स्वरूपातील गुंतवणुकीपासून डिजिटल युगाकडे झालेल्या संक्रमणात मागे राहिलेल्या गुंतवणुकींचा शोध घेऊन त्या पुन्हा गुंतवणूकदारांच्या नावावर आणण्यावर कंपनीचा भर आहे. कंपनीकडून जुने शेअर्स आणि न मिळालेला लाभांश परत मिळवून देणे, भौतिक शेअर प्रमाणपत्रांचे डीमॅट (DEMAT) मध्ये रूपांतर, गुंतवणूकदाराच्या निधनानंतर मालकी हस्तांतरण (Transmission), हरवलेल्या प्रमाणपत्रांच्या डुप्लिकेट प्रती मिळवून देणे, तसेच इन्व्हेस्टर एज्युकेशन अँड प्रोटेक्शन फंड (IEPF) संबंधित दावे दाखल करण्यासाठी मदत केली जाते.