"Durdona" ko‘rsatuvi: Surgundan buyuklik sari — Maqsud Shayxzoda qismati

O‘zbekiston Milliy teleradiokompaniyasi faxriysi, telejurnalist Tohir Jo‘rayevning shaxsiy arxividan "Durdona" ko‘rsatuvining navbatdagi unutilmas va qimmatli soni! Surgun va qatag‘on bo‘ronlari tufayli o‘z yurtidan ayro tushib, Toshkent bag‘ridan panoh topgan ozarbayjonlik yosh ziyoli keyinchalik o‘zbek adabiyotining eng yirik, eng yorqin namoyandalaridan biriga aylandi. Ushbu ko‘rsatuvda Maqsud Shayxzodaning sinovlarda charxlangan sharafli va murakkab hayot yo‘li, uning bukulmas matonati, beqiyos ijodiy merosi hamda milliy adabiyotimizdagi o‘chmas o‘rni haqida atroflicha so‘z yuritiladi. Dastur davomida taniqli adabiyotshunos olima Suyima G‘aniyeva bilan samimiy va teran suhbat olib borilgan. Muloqot davomida Shayxzodaning xalqimiz ma’naviy xazinasidan muqim joy olgan mashhur “Jaloliddin Manguberdi” va “Mirzo Ulug‘bek” kabi shoh asarlarining yaratilish tarixi, ularning badiiy qiymati va o‘lmas ahamiyati haqida so‘z boradi. #Durdona #TohirJorayev #Ozmtrk #MaqsudShayxzoda