Azaadi | Raj Kakra Live In Studio With Anu Manu | Sound Boom Entertainment

Raj Kakra Live-In Studio With Anu Manu Song - Azadi Singer - Raj Kakra (  / kakraraj  ) Lyrics - Gurbhajan Gill Music - Anu-Manu Video & Editing - Mani Maan Label - Sound Boom Entertainment ਗ਼ਜ਼ਲ ਗੁਰਭਜਨ ਗਿੱਲ ਜਿਸ ਨੂੰ ਲੋਕੀਂ ਕਹਿਣ ਆਜ਼ਾਦੀ ਇਸ ਦਾ ਲੈਣਾ ਨਾਂ ਵੇ ਬੱਚਿਆ, ਸੇਕ ਰਹੇ ਸੰਤਾਲੀ ਤੋਂ ਹੀ ਅਗਨ ਬਿਰਖ਼ ਦੀ ਛਾਂ ਵੇ ਬੱਚਿਆ। ਮਰਦੇ ਦਮ ਤੱਕ ਬਾਬਲ ਤੇਰਾ ਰਿਹਾ ਤੜਫ਼ਦਾ ਆਪਣੇ ਪਿੰਡ ਨੂੰ, ਇਹ ਧਰਤੀ ਨਾ ਬਣੀ ਕਦੇ ਵੀ ਉਸ ਦੀ ਖ਼ਾਤਰ ਮਾਂ ਵੇ ਬੱਚਿਆ। ਕੇਰੇ ਬੀਜ ਸਿਆੜਾਂ ਅੰਦਰ, ਖ਼ੂਨ ਪਸੀਨਾ ਬੜਾ ਖ਼ਰਚਿਆ, ਸਾਡੀ ਫ਼ਸਲ ਉਮੀਦਾਂ ਵਾਲੀ ਚੂੰਡ ਗਏ ਸਭ ਕਾਂ ਵੇ ਬੱਚਿਆ। ਭਰੇ ਭਕੁੰਨੇ ਘਰ ਨੂੰ ਛੱਡਿਆ ਤਨ ਦੇ ਤਿੰਨੇ ਕੱਪੜੇ ਲੈ ਕੇ, ਇਲਮ ਨਹੀਂ ਸੀ ਉੱਜੜਨ ਵੇਲੇ, ਨਹੀਂ ਮੁੜਨਾ ਇਸ ਥਾਂ ਵੇ ਬੱਚਿਆ। ਦਸ ਲੱਖ ਤੋਂ ਵੱਧ ਚੰਨ ਸਿਤਾਰੇ ਮਾਵਾਂ ਵਾਰੇ ਕਿਹੜੇ ਲੇਖੇ, ਜਸ਼ਨ ਮਨਾਉਦਿਆਂ ਨੂੰ ਤੂੰ ਪੁੱਛੀਂ ਜਦ ਹੋਵੇ ਚੁੱਪ ਚਾਂ ਵੇ ਬੱਚਿਆ। ਇਹ ਰਾਜੇ ਇਹ ਰਾਜ ਘਰਾਣੇ, ਸਾਡੀ ਰੂਹ ਦੇ ਜ਼ਖ਼ਮ ਪੁਰਾਣੇ, ਇੱਕੋ ਤਾਸ਼ ਬਵੰਜਾ ਪੱਤੇ ,ਚਾਰਨ ਭੋਲ਼ੀ ਗਾਂ ਵੇ ਬੱਚਿਆ। ਓਹੀ ਸਫ਼ਰ ਬਿਖੜਿਆ ਪੈਂਡਾ, ਰਾਤ ਦਿਵਸ ਦੇ ਸੰਸੇ ਝੋਰੇ, ਸਿਰਫ਼ ਟਿਕਾਣਾ ਬਦਲ ਗਿਆ ਹੈ ਇਹ ਕੁਝ ਦੱਸਿਐ ਤਾਂ ਵੇ ਬੱਚਿਆ। ਜਿਸ ਨੂੰ ਲੋਕੀਂ ਕਹਿਣ ਆਜ਼ਾਦੀ ਇਸ ਦਾ ਲੈਣਾ ਨਾਂ ਵੇ ਬੱਚਿਆ, ਸੇਕ ਰਹੇ ਸੰਤਾਲੀ ਤੋਂ ਹੀ ਅਗਨ ਬਿਰਖ਼ ਦੀ ਛਾਂ ਵੇ ਬੱਚਿਆ.....