澳門｜民生區真實日常｜百樂門粉麵誇張人龍｜黑沙環三角花園出發，祐漢新村平民美食＋商場近況實況行街｜昔日電腦城、金鷹銀鷹去晒邊｜$42自助餐隨便食，老字號牛肉麵，新鮮豬雜粉｜自費｜日常Vlog

加入我的youtube會員，每月只需10元，希望大家多多支持 會員連結 :    / @853lifemacau   大家好！今日帶大家嚟到黑沙環馬路一帶行吓。 第一站先去三角花園，雖然呢度面積唔算好大，但平時都好多街坊喺度晨運同傾偈。今日出嚟嘅時間大概係星期六朝早 10 點左右，一陣行街嘅時候，可能仲有部分店舖未開門。三角花園對面就係維多利亞酒店；沿住黑沙環馬路呢邊，其實有唔少細間嘅傳統茶樓仔，單係花園對面就已經有兩間。 跟住行入祐漢新村第一街，周圍真係好多茶餐廳，嚟到呢度完全唔需要擔心冇嘢食！講起祐漢新村啲街名都幾得意，全部都以「祐漢新村」命名，再細分第一街、第二街、第四街到第八街等。大家約朋友過嚟嗰陣，真係要講清楚係邊一條街，如果唔係隨時有排搵！ 以前第一街呢度有間好出名嘅電腦城，細個嗰陣經常過嚟睇電腦，不過而家已經變咗做超級市場，所以近年都少咗過嚟。喺超級市場對面，就係超人氣嘅百樂門粉麵店。頭先我拍片行去行人天橋嗰陣仲未見有人排隊，點知過咗短短十分鐘，門口已經排咗二十幾人；拍完片我揸車再經過，人龍竟然已經多達四五十人，真係好犀利、好受歡迎！ 除咗百樂門，行到第四街入面仲有間好利是咖啡小食，佢哋嘅出品都相當唔錯。經過第四街休憩區公園，記得以前呢度有兩間好出名嘅茶餐廳叫「金鷹」同「銀鷹」，而家應該都已經結業啦；公園對面就開咗間新嘅炸雞店，上網見人介紹過，價錢似乎都幾抵食。 之後行到第二街，見到黃金商場正門竟然封咗，唔知係有變動定係內部裝修緊？於是我兜去停車場嗰邊睇睇，原來嗰邊係冇封到嘅。沿路行過去見到一間叫金寶美食，原來佢哋出名食新鮮豬雜粉；對面仲有我上次喺提督馬路見過嘅新連順成麵食店。順道入去黃金商場後街望吓，發現裡面有啲舖頭已經拉閘結業，剩返幾間仲喺度，加上可能有工程裝修，所以冇乜人流。 跟住行返去祐漢第一街，呢度有間出名食牛肉嘅老字號新金樂；向前行少少，竟然見到一間叫旺運軒茶餐廳做緊「$42 自助快餐」，標榜隨便食唔限量，不過招牌寫明係內地口味，大家嚟試嘅話可以睇吓啱唔啱自己胃口。 轉入第八街，呢度有間平時成日見到廣告嘅澳爺茶檔，廣告入面啲嘢食賣相好吸引，唔知實際水準點呢？對面仲有一間馳名牛肉館，同樣都係主打牛肉粉麵。之後行去信託花園商場，可能時間仲早，商場裡面同周邊嘅店舖大多都未開門，估計要到中午先開始營業。另外喺第八街呢度仲有個起咗好耐嘅地盤，原來正興建緊政府房屋。 最後兜返去祐漢第二街，呢邊有好多大排檔同熟食燒臘檔。其實整個祐漢區都係一個極具煙火氣嘅民生社區，對比遊客區，呢度人流真係好旺，商舖嘅街坊生意都做得好唔錯。大家平時得閒，不妨都過嚟呢度行吓街、搵吓在地平民美食！ 如果鍾意呢類型澳門街坊美食探訪，記得Like同訂閱我哋，下次帶你食更多隱藏小店！ YouTube : 853lifemacau facebook : 生活大小事853lifemacau E-mail : 853lifemacau@gmail.com #澳門 #澳門美食 #祐漢美食 #祐漢新村 #黑沙環 #百樂門粉麵 #新金樂 #好利是小食 #三角花園 #澳門茶餐廳 #澳門平民美食 #澳門街拍 #澳門探店 #澳門生活 #澳門旅遊 #澳門日常 #MacauFood #MacauVlog