حقيقتي

كلماتي: لارا الديراني / نيللي غناء وتلحين: ai كلمات أغنية حقيقتي: أنا البنت اللي ضحكتها غطّت وجعها واللي سكتت كتير… كرمال ما تفضحها قالوا عنّي قاسية، قالوا ما بهمني ولا حدا سأل: شو صار بقلبها يوجعني؟ أنا مش حجر… بس تعبت إنّي ألين كل ما فتحت قلبي، زادوا فيه سكاكين صرت خبّي دموعي ورا عيوني وأقول: أنا بخير… وأنا مش بخير من سنين ما حدا شاف الليل اللي عشته لحالي ولا سمع صوتي لما كان يختنق بسؤالي ليش كل ما كون أنا… بيتركوني؟ ليش حقيقتي دايمًا بتخوّفنّي؟ أنا جوّاتي غضب… وجوّاتي وجع صرخة عمرها ساكتة وما قدرت تطلع مش بدّي شفقة، ولا بدّي حدا ينقذني بس بدّي حدا يفهمني… قبل ما يحكم عليّي أنا مش قاسية… أنا موجوعة مش مجنونة… أنا مخنوقة في بنت صغيرة بعدها جوّاتي عم تقول: "ليش ما حدا فهم حياتي؟" علّمت حالي ما أطلب حضن ولا قول "تعبت" ولا بيوم "أنا بخاف" لأنّي كل ما ضعفت قدّام حدا رجعت أقوى… بس من جوّا انكسرت أضعاف كبرت وأنا بجمع حالي من بعد كل خيبة، من بعد كل غدر وكل واحد شاف مني آخر لحظة ما شاف شو صار فيّي قبل هاللحظة إذا صوتي عالي… مش كرمال أوجع إذا عصّبت… مش لأنّي ما بسمع أنا بس صار عندي كلام كتير وما لقيت إنسان يسمعني للآخر أنا جوّاتي غضب… وجوّاتي وجع صرخة عمرها ساكتة وما قدرت تطلع مش بدّي شفقة، ولا بدّي حدا ينقذني بس بدّي حدا يفهمني… قبل ما يحكم عليّي أنا مش قاسية… أنا موجوعة مش مجنونة… أنا مخنوقة في بنت صغيرة بعدها جوّاتي عم تقول: "ليش ما حدا فهم حياتي؟" يمكن بكرا أهدى… ويمكن لا يمكن سامح… ويمكن قلبي ما قدر بس أكيد رح ضلّ أنا حتى لو ما فهمني هالعالم كلّه أنا مش الصورة اللي رسمتوها عنّي ولا أنا الكلمة اللي قلتوها بحقي أنا قصة ما حدا قرأها للآخر أنا إنسانة… بس تعبت كون قوية أنا جوّاتي غضب… بس بعدني بحب وجوّاتي وجع… بس بعدني بوقف ولو ألف مرة قالوا: "هي تغيّرت" إيه… تغيّرت، لأنّي تعلّمت أنا مش قاسية… أنا موجوعة مش بلا قلب… أنا محروقة وإذا يوم شفتوني ساكتة اعرفوا إنّي عم قاتل جواي كرمال ما أخسر حالي… أنا هيّي… مش اللي شفتوها من برا. أنا الحقيقة اللي ما حدا حاول يفهمها.