Ինչու՞ է Բաքուն մի բթի չափ հողակտորի վրա աչք դրել․ Տիգրանաշենին տիրանալով՝ կհսկի դեպի հարավ ուղին

Սահմանազատման գործընթացում եթե հղում է արվում Ալմա Աթայի հռչակագրին, ապա բարի եղեք արձանագրել, որ այնտեղ երկու տողով նշված է՝ կողմերը ճանաչում են միմյանց տարածքային ամբողջականությունը և այն վարչական սահմանները, որոնք գոյություն ունեին այդ հանրապետությունների շրջանում ԽՍՀՄ ժամանակահատվածում և այն ընդունում են որպես միջպետական սահման։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ՀՀ նախկին վարչապետ Խոսրով Հարությունյանը։ Հարությունյանի մեկնաբանմամբ, 1984-ականներին ստեղծվել է միջպետական հանձնաժողով, որը չորս տարում Ադրբեջանի և Նախիջևանի հետ Հայաստանի ամբողջ սահմանը սահմանանշել է և կազմել 187 արձանագրություն իր նկարագրությամբ և քարտեզներով։ Նրա խոսքով, սահմանային վեճերը լուծելու համար Հայաստանն ու Ադրբեջանը պետք է օգտվեն 2017 թվականին ընդունված ԵԱՀԿ փաստաթղթից, այլապես հայկական կողմը զիջման է գնալու և ոչինչ չի ստանալու։ «Հարց չի՞ առաջանում, թե 86․600 ք/կմ տարածք ունեցող պետությանը մի բթի չափ հողակտորն ինչո՞ւ է հետաքրքրում, հասկանալի է՝ որպեսզի ռազմական հսկողություն իրականացնի դեպի հարավ տանող ճանապարհի նկատմամբ։ Եթե այդ տարածքում մեկ կրակոց էլ հնչի, այդ ուղղությամբ որևէ մեքենա չի գնա և Սյունիքը կդատարկվի, իսկ Բաքվի նպատակը դա է», - մեկնաբանեց Հարությունյանը։ #ՀերմինեՄիքայելյան #24TV #ԽոսրովՀարությունյան #ՀարցազրույցՀերմինեՄիքայելյանիհետ #սահմանազատում #Տավուշիգյուղեր #Տիգրանաշեն Հերմինե Միքայելյան Մանրամասները՝ տեսանյութում։ Հետևի’ր 24News-ին այլ սոցցանցերում   / 24news.am     / 24newsarmenia     / 24news.am   https://t.me/twentyfournews © 2024 24News. Բոլոր իրավունքները պաշտպանված են: 24TV-ում տեղադրված նյութերն օգտագործելիս ակտիվ հղում տալը պարտադիր է: Կայքում տեղադրված այլ հեղինակների և բանախոսների արտահայտած կարծիքը կարող է չհամընկնել 24TV-ի խմբագրության տեսակետի հետ: Address: Dzorap 40, Office Area 23. E-mail: info@24news.am Tel. +374 41 240060 Գովազդի համար զանգահարել +374 41 240060 #24News #24TV #Լուրեր